Google ka publikuar papritur Gemini 3 Pro, duke i dhënë përdoruesve mundësinë ta provojnë menjëherë dhe pa pagesë.
Përditësimi ka marrë vëmendje të madhe, pasi kompania rrallë ofron falas modelet e saj më të avancuara.
Sipas njoftimit, versioni i ri u lejon përdoruesve të testojnë funksionet bazë dhe të shohin nga afër potencialin e teknologjisë, shkruan AP.
Mundesh me e lexu edhe...
Megjithatë, për përdorime më të thelluara ose profesionale, pritet që në të ardhmen të ketë licenca ose versione me pagesë.
Një element i rëndësishëm është se përdorimi falas vjen me kushtin që Google të ketë të drejtë të përdorë bisedat dhe ndërveprimet e përdoruesve për trajnimin dhe përmirësimin e modeleve të saj.
Kompania thotë se kjo i ndihmon algoritmet të bëhen më të sakta dhe më të afta në detyra komplekse.
Me hyrjen e Gemini 3 Pro në treg, Google synon të rrisë konkurrencën ndaj platformave si ChatGPT dhe modeleve të tjera gjenerative, duke ofruar një alternativë të fuqishme dhe të qasshme për publikun e gjerë.
Përdoruesit që e testojnë modelin mund të shfrytëzojnë aftësitë e avancuara të AI-së, përfshirë krijim teksti, përgjigje për pyetje komplekse, ide kreative dhe ndërveprime të shumta inteligjente. /Katror.info
