Analistja politike Besa Luzha, në “Përballje Podcast”, tha se Kosova ka arritur në një pikë ku partitë politike nuk mund të vazhdojnë të funksionojnë vetëm me konfrontim dhe luftë ditore të deklaratave.
Sipas saj, vendi ka nevojë për një platformë të përbashkët strategjike, që ajo e përmendi platformën “Kosova që duam”.
“Ka ardhur koha me e kthye platformën ‘Kosova që duam’. Duhet me u ulë, me i gjet pikat që na bashkojnë jo çka na ndan. Tani na duhen zgjidhje, jo betejë kush bërtet më fort,” tha Luzha.
Mundesh me e lexu edhe...
Ajo u shpreh se partitë politike duhet të ndërtojnë një kod të ri sjelljeje dhe bashkëpunimi, sidomos para zgjedhjeve të reja, transmeton Telegrafi.
Sipas saj, platforma “Kosova që duam” do të duhej të përfshinte, prioritetet ekonomike, qartësimin institucional, dialogun me partnerët ndërkombëtarë, marrëdhëniet me komunitetet pakicë, politikën e jashtme, vizion afatgjatë për rininë dhe arsimin, etj.
Luzha paralajmëroi se polarizimi i sotëm i ka sjellë vendit vetëm stagnim.
“Në vend se të ndërtojmë programe dhe zgjidhje, kemi kaluar gjithë vitin duke parë kush e fajëson kë. Kjo nuk është politika që i duhet Kosovës,” u shpreh ajo.
Në fund, Luzha dha një mesazh të drejtpërdrejtë.
“Për hir të qytetarëve dhe të së ardhmes së Kosovës, është koha të ndërtojmë një platformë të përbashkët, jo të vazhdojmë logjikën e armiqësimit. Kosova ka nevojë për bashkëpunim, jo për përçarje”, ka përfunduar ajo. /Telegrafi/Katror.info
