Mark Zuckerberg ‘sulmoi’ së fundmi kompanitë e teknologjisë që zhvillojnë mjete të inteligjencës artificiale, duke pretenduar se po përpiqen të “krijojnë Zotin”. Themeluesi i Meta këmbëngul se qasja e tij është e ndryshme nga pjesa tjetër. “Është pothuajse sikur ata mendojnë se po krijojnë Zotin apo diçka tjetër. Kjo nuk është ajo që ne po bëjmë”-ka thënë Mark.
Manjati i teknologjisë ka diskutuar syzet Ray Ban dhe Meta. Ai aspiron që produkti të përfshijë ekrane të plota holografike, ndërkohë që ende duket si një palë syze dhe jo si kufje. Manjati i teknologjisë diskutoi gjithashtu Llama 3, modelin më të fundit të Metës me AI, të cilin ai e quajti “shumë afër për t’u kapur me modelet më të mira që ekzistojnë”.
Rikujtojmë se Meta e Mark Zuckerberg ka shkelur ligjet e reja digjitale të BE-së me një model reklamimi që tarifon përdoruesit për versionet pa reklama të Facebook dhe Instagram, sipas Komisionit Evropian. Meta ka prezantuar një model “paguaj ose mirato” vitin e kaluar në një përpjekje për të respektuar rregullat e privatësisë së të dhënave të bllokut, sipas të cilave përdoruesit paguajnë një tarifë mujore për një version pa reklama të Facebook ose Instagram që nuk përdor të dhënat e tyre personale për qëllime reklamimi.
Mundesh me e lexu edhe…
Komisioni Evropian, organi ekzekutiv i BE-së, tha se modeli nuk përputhet me Aktin e Tregjeve Digjitale (DMA), i cili është krijuar për të frenuar kompanitë e mëdha të teknologjisë. Komisioni nxori gjetjet paraprake nga një hetim mbi “paguaj ose mirato” dhe zbuloi se modeli “i detyron përdoruesit të pranojnë” që të dhënat e tyre të mblidhen nga platforma të shumta. Ai gjithashtu nuk i lejon përdoruesit të zgjedhin një shërbim që përdor më pak nga të dhënat e tyre, por është i ngjashëm me versionet “me reklama” të Facebook dhe Instagram./Katror.info
Përgatiti:
