Qendra Kombëtare e Kinematografisë së Shqipërisë i është bashkuar zyrtarisht familjes së DAEF (Drejtuesit e Agjencive Evropiane të Filmit) si anëtarja më e re e saj.
Në takimin e fundit të kryesisë që u mbajt në Festivalin e Filmit të Venecias, vendimi për pranimin e QKK-së ishte unanim, duke e fuqizuar edhe më tej rrjetin e agjencive evropiane.
Kryetari i QKK-së, Eol Çashku, shprehu besimin se ribashkimi i kontinentit evropian kalon para së gjithash nga kultura dhe dija.
Mundesh me e lexu edhe…
Për këtë arsye, vijoi ai, DAEF përbën një instrument të shkëlqyer për të ndarë njohuritë dhe praktikat më të mira me qëllim nxitjen e mbështetjes dhe përkrahjes për krijimtarinë kinematografike evropiane.
“Kemi kënaqësinë të mirëpresim Shqipërinë në familjen tonë evropiane. Presim me padurim një bashkëpunim të frytshëm”, deklaroi Chris Marcich, president i EFAD-it.
QKK, e themeluar më 1997, është i vetmi institucion publik kushtuar financimit, nxitjes, dhe përkrahjes së produksionit të kinematografisë dhe audiovizualit në Shqipëri./Katror.info
Përgatiti:
