Sony ka prezantuar zyrtarisht PlayStation 5 Pro të shumëpritur.
Konsola e re u prezantua me një çmim të sugjeruar me pakicë prej 700 dollarësh dhe ofron përmirësime të konsiderueshme në krahasim me PS5 që doli në 2020, transmeton Telegrafi.
Ideja me PS5 Pro është të ofrojë performancë më të mirë grafike me fps më të mirë, dhe për këtë janë bërë tre përmirësime kryesore: një GPU më e madhe, gjurmim i përmirësuar i rrezeve dhe aplikimi i AI.
Sony thekson se GPU-ja e re ka, ndër të tjera, RAM 28% më të shpejtë se PS5 standard, që do të thotë se konzola e re do të ofrojë deri në 45% renderim më të shpejtë.
Për më tepër, gjurmimi i rrezeve do të jetë deri në tre herë më i shpejtë se sa mund të ofrojë PS5 origjinale, dhe teknologjia e përmirësimit që ata aplikuan me ndihmën e AI quhet “PlayStation Spectral Super Resolution”, ose PSSR.
Kompania shton se më shumë se 8,500 lojëra PS4 do të përmirësohen ose stabilizohen nëse funksionojnë në këtë konzolë, dhe do të jetë e mundur të përmirësohet përvoja e lojërave PS5 që nuk janë përmirësuar në mënyrë të qartë për PS5 Pro.
PS5 Pro ka të njëjtën lartësi si PS5 origjinale dhe të njëjtën gjerësi si modeli që vjen pa portën e diskut. Vjen me 2 TB hapësirë ruajtëse të integruar, që është një përmirësim në krahasim me modelet e mëparshme 1TB. /Katror.info
Përgatiti:
