Kompania OpenAI ka prezantuar një version të chatbotit popullor ChatGPT me një abonim mujor prej 200 dollarësh, i cili mund të përdoret në fushat inxhinierike dhe për kërkime. Qëllimi i kompanisë është të zgjerojë aplikimin industrial të teknologjisë së saj. Një nivel i ri i quajtur ChatGPT Pro është shtuar në abonimet ekzistuese, të cilat përfshijnë ChatGPT Plus, Team dhe Enterprise. Ai nënvizon ambiciet e kompanisë për të komercializuar më tej teknologjinë e saj, e cila ka nxitur “bumin e AI”.
ChatGPT Pro do të sigurojë qasje në mjetet më të avancuara OpenAI, duke përfshirë qasje të pakufizuar në modelin e ri të arsyetimit o1, si dhe o1 mini, GPT-40 dhe zërin e avancuar. Abonimi përfshin gjithashtu 01 pro mod, një version që përdor fuqi shtesë kompjuterike për të zgjidhur pyetje më komplekse. OpenAI thekson se 01 pro mod ka performancë më të mirë në standardet e mësimit të makinerive në matematikë, shkencë dhe kodim krahasuar me versionet o1 dhe o1-preview.
ChatGPT është jashtëzakonisht i dobishëm kur duam të marrim disa informacione shpejt, por ka edhe pikat e tij të dobëta. Ka emra që kur shkruan në ChatGPT merr vetëm komente se ky chatbot nuk mund të të japë një përgjigje për momentin. ChatGPT përfundon bisedën sapo përmendni ndonjë nga këta emra dhe kjo është e gjitha rezultat i një filtri special që “tërheq frenin” përpara se chatbot t’i dërgojë një përgjigje përdoruesit.
Mundesh me e lexu edhe...
OpenAI nuk i ka komentuar asnjëherë publikisht këto raste, por me shumë gjasa janë emrat e personave që kanë paditur kompaninë, ose kanë kërkuar që të “fshihen përgjithmonë” nga baza e të dhënave. Këta janë emrat pas të cilëve ChatGPT përfundoi bisedën; Brian Hood, Jonathan Turley, Jonathan Zittrain, David Faber dhe Guido Scorza. Gjithçka filloi me emrin e parë në këtë listë, kur kryebashkiaku australian Brian Hood kërcënoi se do të padiste ChatGPT në mesin e vitit të kaluar, pasi zbuloi se chatbot pretendonte në mënyrë të rreme se Hood ishte burgosur për korrupsion, kur në fakt ai ishte një sinjalizues në një rast./Katror.info
Përgatiti:
