Këtë vit një vajzë 16-vjeçare ia doli të festonte rezultatet e provimit GCSE dhe një djalë i vogël ishte në gjendje të përqafonte nënën e tij, falë Alex Newlove.
27-vjeçari vdiq papritur nga një hemorragji në tru në vitin 2020 dhe si dhurues organesh ai ndihmoi në shpëtimin e jetës së gjashtë personave, shkruan BBC.
Nëna e Alex, Judy Coutinho, u ka kërkuar të tjerëve që t’i bëjnë të ditura dëshirat e tyre për dhurimin e organeve me familjet e tyre në mënyrë që të shpëtohen më shumë jetë.
Mundesh me e lexu edhe…
“Është një dhuratë e pabesueshme”, tha ajo.
Alex Newlove, me origjinë nga Tarleton, Lancashire, ishte zhvendosur në Shtetet e Bashkuara për të ndjekur një karrierë në kontabilitet dhe financë. Nëna e ti tha se ai po jetonjte një “jetë të ëndrrave”.
Por, ajo tregon se i biri i saj u sëmurë në fillim të vitit 2020 dhe vdiq pas një sulmi në tru të cilin e pësoi kur u kthye në shtëpi për Krishtlindje. “Nuk kishte paralajmërim. Vdiq papritmas”, thotë Judy.
Alexi dhe nëna e tij nuk kishin diskutuar për dhurim të organeve, por ajo tha se pas vdekjes së tij, e dinte se ai donte të bënte këtë. Ajo thotë se ishte gjëra e duhur për të bërë.
Organet e Alexit u dhuruan për të shpëtuar gjashtë jetë, përfshirë të një vajze 16-vjeçare dhe të një djali të vogël. Judy zbuloi më pas se Alexi kishte nënshkruar katër herë për të dhuruar organet e tij në rast të vdekjes.
Judy tyregon se ka marrë letër nga nëna e një vajze 16-vjeçare që ka mundur të vazhdojë shkollimin dhe të shijojë jetën, falë të birit të saj.
Po ashtu Judy ka treguar se ka marrë letër edhe nga nëna e një djali të vogël, të cilit i ishte transplantuar një pjesë e mëlçisë së Alexit.
“Unë kisha të drejtë, sepse me sa duket ai nënshkroi katër herë regjistrin e dhuruesve të organeve. Unë thjesht ndjeva se ai nuk do të donte që organet e tij të mos ndihmonin njerëzit e tjerë. Ç’kuptim ka që ata të mos ndihmojnë njerëzit e tjerë, ato nuk do ta kthenin Aleksin tek ne. Kështu që unë thjesht ndjeva se ishte gjëja e duhur për të bërë.”
Në vitet që pasuan, nëna e të ndjerit ka qenë në kontakt me disa nga familjet e atyre që ai ndihmoi për të shpëtuar. “Është një dhuratë dhe trashëgimi e pabesueshme për ta lënë pas, nëse ndodh e papritura”, tha zonja Coutinho.
“Nuk e kam ëndërruar kurrë se do të isha në atë pozicion, nuk e kam ëndërruar kurrë se do të vinte ajo ditë. Por, të ndihmon nëse jeni të vetëdijshëm se kjo është ajo që do të dëshironte i dashuri juaj dhe mendoj se është një bisedë e rëndësishme për të bërë.”/Katror.info
Përgatiti:
