Motrat që mposhtën kancerin e gjirit krijuan bikini të përshtatshme për gratë që kanë pasur ndërhyrje kirurgjike (mastektominë) kundër kësaj sëmundje.
Tre motrat që qëndrojnë pas markes ‘Lime Ricki’ me bazë në Salt Lake City, Utah, thanë se duan që çdo trup të ketë mundësi të përdor bikini – përfshirë ato që kanë pësuar ndërhyrje si rezultat i trajtimit të kancerit.
“Këto rroba banje janë për çdo grua për t’i ndihmuar ato të ndihen rehat dhe të sigurt me atë që janë, si janë,” tha Jennifer Anderson, bashkëthemeluese.
Mundesh me e lexu edhe...
Lime Ricki u themelua në vitin 2007 nga motrat Anderson (53), Colette Callister (55) dhe Nicole Bruderer, 50 vjeç.
“Kur më në fund jetuam përsëri në të njëjtin shtet së bashku, si të rritur, vendosëm të donim të bënim diçka që do të kishte kuptim,” tha Callister për ABCNews.
Për nder të muajit të ndërgjegjësimit për kancerin e gjirit, ‘Lime Ricki’ lëshoi një linjë rroba banje “miqësore për mastektominë” të quajtur “Flourish and Bloom”.
Për çdo kostum të blerë nga linja speciale, marka dhuron një pjesë të të ardhurave për të mbështetur Fondacionin e Kërkimit të Kancerit të Gjirit.
Koleksioni përmban stile akomoduese që përfshijnë bikini për mbulim të ndryshëm të zonës së gjoksit për ata që dëshirojnë të mbulojnë plagët e operacionit ose lëkurën nga rrezatimi.
Gjithëpërfshirja është në zemër të ‘Lime Rick’ dhe një çështje që është veçanërisht personale për familjen, pasi Bruderer dhe Anderson kanë mbijetuar kancerin.
Sipas Anderson dizajni i bikinive që krijuan erdhi nga një ndjeshmëri e thellë. “Kostumet lidhen pak me atë që ka kaluar trupi im dhe problemet me të cilat përballem,” tha ajo.
Që nga publikimi i linjës në fillim të tetorit, motrat kanë marrë vlerësime pozitive nga gratë në të gjithë vendin.
“Ato thjesht kanë shprehur mirënjohjen dhe janë kaq të lumtura që ekziston një opsion ose që mund ta ndajnë këtë me një mik ose një anëtar të familjes që po e përjetonte këtë,” tha Bruderer./Katror.info
Përgatiti:
