Fron Zherku, nxënës i klasës së tretë në shkollën “Ismail Qemali” në Prishtinë, ka treguar një shembull të shkëlqyer solidariteti dhe përgjegjësie sociale, me iniciativën e tij shembullore për të ndihmuar të tjerët.
Froni ka promovuar librin e tij të parë me poezi, të titulluar “Zëri i Shkronjave”, dhe ka vendosur që të gjitha të ardhurat nga shitja e këtij libri t’i dhurojë për organizatën “Asociacioni Nacional i Autizmit në Kosovë”.
Këtë e ka bërë të ditur “Asociacioni Nacional i Autizmit në Kosovë”, përmes një postimi në rrjete sociale.
Mundesh me e lexu edhe…
“Kjo nismë u frymëzua nga miqësia e tij e veçantë me një shok klase me autizëm. Me këtë akt, ai po kontribuon në ndihmën për komunitetin dhe po tregon se solidariteti dhe mbështetja mund të bëjnë një ndryshim të madh” thuhet në njoftim.
Përmes këtij akti njerëzor, Froni ka dëshmuar se pavarësisht moshës, një individ mund të bëjë një ndryshim të madh në shoqëri.
I frymëzuar nga miqësia e tij e veçantë me një shok klase me autizëm, Froni përcolli mesazhin se miqësia dhe dashuria për të tjerët janë vlera të pakufizuara, dhe mund të ushtrohen nga çdo njeri që ka dëshirën për të ndihmuar.
“Ky është një moment që na kujton fuqinë e dashurisë dhe miqësisë, si dhe rëndësinë e marrjes së iniciativave pozitive që krijojnë ndikim në shoqëri”, theksohet në njoftim.
Ky veprim nga Froni është një shembull i jashtëzakonshëm i asaj që mund të arrijë një fëmijë, kur ka vullnetin për të ndihmuar të tjerët. /Katror.info
Përgatiti:
