Dua Lipa u nis me një super jaht luksoz rreth portit të Sydneyt të mërkurën, vetëm disa orë para se të shfaqeshin skenat kaotike përpara koncertit të saj në Qudos Bank Arena.
Mijëra të pranishëm në koncertin e këngëtares së hitit “One Kiss” në Sydney mbetën të bllokuar jashtë arenës pasi aplikacioni i biletave i përdorur për ngjarjen ra nga sistemi, shkruan DailyMail.
Fansat u detyruan të prisnin në radhë për orë të tëra, ndërsa kërkonin përmes e-maileve për kopjet digjitale të biletave dhe personeli i derës duhej të kontrollonte manualisht secilën prej tyre përpara se të lejonte këdo brenda.
Mundesh me e lexu edhe…
Ylli shqiptaro-britanik i muzikës pop u detyrua t’u kërkonte falje fansave të saj kur mbërriti në skenë në orën 21:00.
Më herët gjatë ditës, Dua, 27 vjeçe, dukej plotësisht e relaksuar teksa shijonte pamjet e Sydneyt me diell nga një jaht i madh.
Bukuroshja zeshkane dhe shoqëruesit e saj pinë shampanjë të shtrenjtë që iu shërbye nga ekuipazhi në bord.
Dua dukej elegante për udhëtimin në lundrim e veshur me një palë pantallona të zeza të gjera dhe një bluzë të prerë në qafë me jakë me lesh artificial.
Ajo kishte vendosur një rrip të zi dhe të argjendtë të stilit perëndimor rreth belit dhe kishte vendosur disa stoli ari.
Ajo ishte e gjitha e buzëqeshur ndërsa hipi në varkë duke folur me miqtë e saj dhe të ftuarit e tjerë përpara se të ulej për t’u çlodhur dhe për të shikuar në telefonin e saj.
Flokët e saj të errëta ishin të stiluara në mënyrë perfekte në një pamje të thjeshtë të drejtë, ndërsa ajo zgjodhi një makijazh natyral.
Ajo u pa gjithashtu duke mbajtur një çantë lëkure ngjyrë kafe me një rrip zinxhir.
Dielli po shkëlqente për ditën argëtuese në port pasi ajo dhe miqtë e saj u mirëpritën me një gotë shampanjë.
Shfaqja e dytë e Duas në Sydney ra në kaos të mërkurën mbrëma pas një debati të biletave të Ticketek.
Një pjesëmarrëse e koncertit, Paula Deyah, tha se fansat e frustruar mbetën duke pritur në radhë të mëdha për orë të tëra jashtë stadiumit “Homebush”.
Twitter u përmbyt me ankesa nga njerëz që ishin ende të ngecur jashtë pak para orës 21:00 – gjysmë ore pas fillimit të planifikuar të ngjarjes në orën 20:30.
Biletat për koncertin u shitën përmes Ticketek.
“Duhet të jetë një shfaqje e mrekullueshme nëse faqja e internetit dhe aplikacioni funksionojnë… fëmijët janë këtu duke qarë sepse nuk mund të hyjnë”, shkroi një person në Twitter.
“Çfarë fatkeqësie është kjo, aplikacioni nuk funksionon dhe biletat nuk janë të vlefshme për shumë njerëz”, tha një tjetër.
Dua doli në skenë pak pas orës 21:00 dhe u kërkoi falje fansave duke i falënderuar për durimin.
27-vjeçarja ndodhet në Australi në turneun e saj “Future Nostalgia”, koncerti i së mërkurës ishte shfaqja e dytë në Sydney pasi ajo performoi në Brisbane të shtunën.
Ajo vazhdon turneun e saj në Australi të premten, më 11 nëntor, në “Rod Laver Arena” në Melburn.
Këngëtarja do të ketë një koncert të dytë në Melburn të shtunën, përpara se të shkojë në Adelaide dhe Perth për koncertet e saj të fundit./Katror.info
Përgatiti:
