Tifozët e huaj që do të zbresin në Doha për Kupën e Botës 2022, do të gjejnë një vend ku gratë punojnë, mbajnë poste publike dhe ngasin super-makina, në qytetin e mbushur me palma. Ato kanë drejtuar makina për dekada, ndryshe nga Arabia Saudite, ku gratë e fituan këtë të drejtë vetëm pak vite më parë.
Katari ka ambasadore, gjyqtare dhe ministre, madje edhe kalorëse në gara me kuaj. Nëna e emirit, Sheikha Moza bint Nasser al-Missned, është njëra nga gratë më të famshme në botën arabe.
Në një rajon ku gratë dhe nënat e sundimtarëve mbajnë profil të ulët, ajo sillet si një zonjë e parë e stilit perëndimor – e cila mbron kauzat sociale dhe paraqitet në media si një ikonë e modës, shkruan Associated Press.
Mundesh me e lexu edhe…
Megjithatë, për vite me radhë vendi renditet në fund të Raportit Global të Hendekut Gjinor të Forumit Ekonomik Botëror, i cili tregon boshllëqet mes grave dhe burrave në punësim, arsim, shëndetësi dhe politikë.
Katari ka një shoqëri tradicionale që i ka rrënjët në brendësi të Gadishullit Arabik, ku lindi një formë ultrakonservatore e islamit, e njohur si vehabizëm.
Grupet e të drejtave të njeriut thonë se sistemi ligjor i Katarit, i bazuar në Ligjin islam ose Sheriatin, pengon avancimin e grave.
Kushtetuta e Katarit garanton barazinë mes qytetarëve. Por, Departamenti amerikan i Shtetit dhe grupet e të drejtave të njeriut thonë se sistemi ligjor i Katarit diskriminon gratë kur bëhet fjalë për lirinë e tyre të lëvizjes, martesën, kujdestarinë e fëmijëve dhe trashëgiminë.
Sipas Ligjit të Sheriatit, gratë mund të trashëgojnë pronë, por ato marrin gjysmë herë më pak se burrat.
Ligjet garantojnë të drejtën për pagë të barabartë për gratë dhe burrat nga Katari. Por, gratë jo gjithmonë e marrin atë.
Pavarësisht të gjitha pengesave, disa gra kanë arritur të kenë sukses në profesionet e tyre./Katror.info
Përgatiti:
