Serialet turke janë shumë të pëlqyera e të shikuara në trojet shqiptare. Për aq kohë sa komentohen gjerë e gjatë dhe transmetohen vazhdimisht në televizionet tona, sigurisht që rritet edhe interesi për aktorët më të përfolur të kinemasë turke.
Shikoni më poshtë pesë aktorë të njohur turq që kanë prejardhje shqiptare.
Kıvanç Tatlıtuğ
Ai lindi në Adana, qytet në Turqi, dhe gjatë një interviste, deklaroi se i ati ishte shqiptar nga Prishtina. Kivanç, i cili njihet si Brad Pitt i kinematografisë turke, është një nga aktorët më të paguar në Turqi dhe një ndër më të vlerësuarit.
Mundesh me e lexu edhe…
Që prej vitit 2002, Tatlitug ka fituar pothuajse të gjitha çmimet ku është nominuar, si “Aktori më i mirë”, “Aktori më i mirë i vitit”, “Aktori më i suksesshëm i vitit”, “Aktori më i preferuar në serialet televizive” etj.
Halit Ergenç
I njohur më së shumti përmes rolit të tij në serialin e famshëm “Sulejmani i Madhërishëm”, Ergenç ka lindur në Stamboll. Gjyshja e tij ishte me origjinë shqiptare dhe gjatë një interviste aktori u shpreh: “Mund ta them me plot gojë se në damarët e mi ka gjak shqiptari.”
Engin Altan Duzyatan
Ai lindi në Izmir, Turqi, por familjarët nga ana e babit kanë qenë emigrantë shqiptarë nga Prishtina, ndërkohë që pjesa tjetër janë emigrantë turqë nga ish-Jugosllavia.
Në mediat turke, Duzyatan nuk e ka mohuar origjinën shqiptare, duke u shprehur se ka një lidhje të fortë me Shqipërinë. Aktori fitoi famë përmes rolit të tij në serialin e famshëm “Ertugrul”, në të cilin luajti nga 2014 deri në 2019-n.
Can Yaman
Me profesion avokat, Yaman është aktor i njohur në Turqi, i cili lindi në Stamboll, por ka origjinë shqiptare. Gjyshi i tij nga i ati ishte emigrant shqiptar nga Kosova, ndërkohë që gjyshja emigrante nga Maqedonia e Veriut. Aktori fitoi famë përmes rolit në serialin “Ekenci Kus”.
Baris Arduç
Aktori ka lindur në Zvicër në një familje me origjinë shqiptare. Origjina e familjes së nënës së tij është nga Vlora. Baris u transferua në Turqi në moshën 8-vjeçare. Ai fitoi famë përmes serialit “Dashuri me qira”. “Kuzgun”, në të cilin ka rol protagonist, është një tjetër serial i suksesshëm turk.
Përgatiti:
