Shtëpia është gjithmonë e rëndësishme, por gjatë festave të fundvitit merr një rëndësi edhe më të madhe. Tavolina dhe zbukurimet janë mënyra për ta bërë edhe më të veçantë të qenit bashkë, pa shpenzuar një pasuri për të blerë mbulesa, pjata dhe gota të reja, mund ta zbukurojmë tryezën e festës sipas traditës, por me disa sugjerime që të ndajmë gëzimin, ta shijojmë, por edhe të kënaqim sytë.
1 – ARGJENDARIA FAMILJARE: Është mundësia e përsosur për të nxjerrë sendet e argjendit të familjes nga sirtarët, të cilat mund të jenë të shkëlqyera në vendin e tryezës së Krishtlindjes. Një mënyrë e jashtëzakonshme, për të kujtuar se kush jemi dhe me kë do të dëshironim të ishim në këto festa të rëndësishme.
2 – ELEGANCA E ARIT: Përveç argjendit, një mënyrë për ta bërë edhe më të çmuar tryezën festive është ta pasuroni me një prekje ari. E përkryer për t’u kombinuar me jeshile, së bashku me të kuqen në festat e Krishtlindjeve, arrin ta bëjë atmosferën magjike dhe shkëlqyese. Elegante dhe luksoze janë harqet mbajtëse për t’u vendosur në pjatat në tavolinë, por ari është ideal në zgjedhjen e qirinjve dhe në dekorimet e pemës.
Mundesh me e lexu edhe…
3 – E KUQJA NUK DUHET TË MUNGOJË: Ngjyra par excellence e Krishtlindjes është e kuqja, e cila gjithmonë është konsideruar e mbarë dhe për këtë arsye është absolutisht e pamundur të bëhet pa të. Pikërisht sepse sjell fat, nuk duhet të harrojmë të rregullojmë pak aty-këtu: një fjongo e kuqe për të lidhur pecetën e vendosur në pjatën e bardhë prej porcelani do të jetë festive dhe gazmore, por mund të përdorim dekorime të kuqe për të mbushur zonat më të zbrazëta të dhomave, për mbulesat apo batanijet në divan, apo edhe për topat që zbukurojnë tryezën.
4 – DEKORIME TË THJESHTA: Pasi kemi vendosur se cilën dhomë të shtëpisë duam të zbukurojmë me dekorime, fokusohemi në dekorimet që përziejnë pemën klasike me erëza, si kanellën dhe fruta të thata, lëvozhga portokalli, ideale për t’u përdorur si aroma, por mbi të gjitha si një qendër tavoline aromatike. Salla e ndenjes ose dhoma e ngrënies do të jetë aq mikpritëse sa të përshkojë shqisën tonë të nuhatjes, duke dhënë ndjesinë e Krishtlindjeve.
5 – TAVOLINA KRYESORE: Shmangia e detajeve të tepërta është gjithmonë një ide e mirë. Kjo është arsyeja pse përshtatja e dekoreve dhe zbukurimeve me madhësinë e shtëpisë është thelbësore. Për të shmangur një efekt mbytës, edhe në tryezë është gjithmonë më mirë të kufizoni veten, duke lënë hapësirën e nevojshme për të admiruar delikatesat dhe për të biseduar pa pengesa shikimi me njerëzit. Ne fokusohemi te mbulesat me një shije tipike Krishtlindjesh, por mjaftojnë disa topa me ngjyra ose degë pishe për të zbukuruar tryezën me maturi.
6 – TARTANI NUK DEL KURRË NGA MODA: Kjo pëlhurë ka qenë gjithmonë autentike e Krishtlindjeve me gjelbërim të përhershëm. Për një shtëpi të dekoruar në mënyrë elegante, zgjidhni arredimet dhe dekorimet që janë në harmoni me tartanin në nuancat e zgjedhura. E kuqja dhe jeshile, perfekte në vendin e duhur, në dekorimet e pemëve, në qirinjtë dhe në qendër të tavolinës në emër të traditës.
7 – KUJTIMET: Imazhet e udhëtimeve, takimeve, përqafimeve tona janë gjithmonë romantike. Dhe nëse kujtimet janë në formatin e tipit Polaroid, ato kanë gjithashtu një shije vintage që ngjall momente të largëta dhe të buta në të njëjtën kohë. Të varura aty-këtu, fotografitë ndihmojnë në veshjen e shtëpisë dhe për ta bërë atë më mikpritëse dhe intime, ato mund të personalizohen dhe të shërbejnë si mbajtës për çdo darkë.
8 – SHEGË TË ÇMUARA: Një dekorim gjithnjë popullor është ai që përftohet duke përdorur shegën, e cila të ngjall menjëherë idenë e Krishtlindjes, si dhe qirinjtë e thjeshtë dhe sugjestionues. Objekte të lehta për t’u gjetur dhe rregulluar në shtëpi, të cilat mund të japin efekt të madh dhe spektakolar. Në qendër të tavolinës, e gjelbra me qirinj të artë, pishe dhe shegë do të jetë absolutisht ideale për një tryezë me njerëzit më të afërt.
9 – BËJENI VETË KRISHTLINDJET: Tendenca është t’i bëjmë Krishtlindjet tona më të përzemërta dhe të gëzuara me dekorime të punuara me dorë që do të përfshijnë edhe më të vegjlit. Nuk ju duhen shumë. Janë dekorime të bëra me pambuk, kurora të bëra me pisha të lyera në ar dhe argjend, apo edhe pjesa qendrore e tavolinës, duke vendosur portokall dhe fije argjendi, si dhe zbukurime të vogla qelqi ku mund të vendosni në mënyrë elegante topat, të kuq dhe ari ose ngjyrat që pëlqeni më shumë. Kreativiteti dhe imagjinata stimulojnë një humor të mirë dhe ndihmojnë për të lënë anash shqetësimet dhe stresin.
10 – MIX AND MATCH: Për një dekorim të rafinuar dhe në modë, është thelbësore të zgjidhni një temë unike për shtëpinë dhe tryezën. Nëse jemi të detyruar të përdorim elemente të ndryshme edhe në shtëpi shumë të vogla, si p.sh. sediljet e ndryshme rreth tavolinës, do të mund të nxjerrim në pah me elegancë stilin e shtëpisë, duke dhënë një ide të mirëseardhjes së ngrohtë./Katror.info
Përgatiti:
