Aktori amerikan, Edward Norton ka zbuluar se Pocahontas e vërtetë, vajza e mitizuar e shekullit XVII e një prijësi vendas amerikan, është stërgjyshja e tij e dymbëdhjetë.
Ylli i nominuar për Oscar mësoi për lidhjen e tij familjare në episodin e së martës të shfaqjes së historisë gjenealogjike “Finding Your Roots”.
Historiani dhe mikpritësi Henry Louis Gates Jr. konfirmoi se thashethemet e vjetra familjare ishin të vërteta duke i thënë Nortonit se ”ju keni një gjurmë të drejtpërdrejtë lidhjeje me stërgjyshen dhe stërgjyshin tuaj të dymbëdhjetë, John Rolfe dhe Pocahontas”.
Mundesh me e lexu edhe…
Sipas Gates, çifti u martua më 5 prill 1614 në Jamestown, Virxhinia, në një kohë kur William Shakespeare ishte ende gjallë.
Ai shtoi se dokumentet zbuluan se Pocahontas vdiq tre vjet më vonë në Gravesend, Angli, ndërsa Rolfe vdiq rreth marsit 1622.
“Thjesht të bën të kuptosh se sa një pjesë e vogël… pjesë e gjithë historisë njerëzore je”, tha Norton.
Pocahontas mirëpriti kolonët anglezë në SHBA në fillim të shekullit XVII.
Legjenda thotë se ajo i shpëtoi jetën kapitenit John Smith duke e ndaluar ekzekutimin e tij duke vendosur kokën mbi të tijën./Katror.info
Përgatiti:
