Këngëtarja u paraqit gjatë së enjtes në Arizona në një konferencë për shtyp të kampionatit ku i ngacmoi pak admiruesit për atë çfarë do të shohin këtë fundjavë.
“Kemi qenë duke punuar për disa kohë për të dhe çdo ditë i afrohet gjithnjë më e shumë produktit final. Sot është një provë e madhe, shumë e rëndësishme që do të jetë thelbësore për të dielën”, tha Rihanna.
“Ka shumë përgatitje. Është java që vërtet do të testohet. Të gjithë po përgatisin gjithçka, po telefonojnë, po duken dhe ka të bëjë me lëvizjen e shumë pjesëve. Janë rreth 300-400 njerëz që çmontojnë skenën dhe e rindërtojnë sërish dhe largohen brenda 8 minutave. Është e pabesueshme. Është thuajse e pamundur”.
Ylli i muzikës, e cila mbush 35 vjeç më 20 Shkurt thotë se ka qenë aq e fokusuar në këtë shfaqje sa “harroi fare” për ditëlindjen e saj dhe festën e Shën Valentinit. Ajo theksoi se ndonëse ka kaluar vite të tëra nën dritat e prozhektorëve, nuk kishte moment më të mirë për t’i thënë “po” një spektakli të tillë pasi e refuzoi në vitin 2019.
Përgatiti:
