Kur flitet për sallata, zakonisht mendohen disa lloje t’cilat nuk llogariten si pjata kryesore, meqë zakonisht nuk janë ngopëse. Mirëpo, ne jemi këtu për me ta dëshmu t’kundërtën, sikurse e kemi dëshmu me sallatat tona t’ndryshme, përfshi këtu pasta-sallatën greke, sallatën virale “Cowboy Caviar”, sallatën me patate dhe pesto e shumë kombinime t’tjera t’tonat.
Sallata s’ka pse me qenë e bajatshme e jo ngopëse. Mjafton me ditë me përzgjedhë se çka shkon me perimet e freskëta e që ka vlera ushqyese tamam siç duhet, për me e përgatitë nji sallatë që nime edhe t’kënaqë, por edhe t’nginë qysh duhet. E ne jemi siguru që kësaj radhe me t’i propozu 3 sallatat ma t’mira t’kuskusit t’cilat përmbajnë plot vlera ushqyese, shijojnë dhe t’mbajnë t’ngopun për kohë ma t’gjatë.
1. KUSKUSI MEDITERAN
Ideal për dreka dembele e për me marrë n’pauzë me vehte, kuskusi mediteran klasik asht nji prej ushqimeve ma t’freskëta e ngopëse që mundesh me i përgatitë brenda pak minutave. I kombinum n’mënyrën ma perfekte me perimet klasike t’sallatës mediterane, kjo pjatë kuskusi nuk ka me dështu me t’ofru super-shije.
2. KUSKUSI ME KASTRAVECA DHE LIMON
Freskia që limoni dhe kastravecat ia jepin kuskusit n’këtë sallatë padyshim asht shije t’cilën duhesh me e provu. E përshtatshme qoftë si pjatë n’vehte, apo edhe si ushqim shoqnes – sallata e kuskusit me kastraveca dhe limon asht pjata ideale nëse je duke tentu me u ushqy ma shnetshëm, apo kur pret mysafirë dhe nuk din çka me përgatitë.
3. KUSKUS MEDITERAN ME KARKALECA
Kuskusi mediteran me karkaleca asht sallata ma ekstravagante t’cilën mundesh me e përgatitë e me servu për drekat e darkat speciale. Bashkimi i sallatës mediterane me kuskus dhe karkaleca krijon kombinimin ideal për tavolinat festive e që kushdo që e provon ka me mbetë gojëhapun.
Servoji këto sallata si pjatë n’vehte, apo edhe shoqëroji me gatesa t’tjera. Nëse t’tepron sasi, lirisht vendose kuskusin n’nji kuti xhami e fute n’frigorifer. Kuskusi qëndron i freskët për 3 ditë, e ti mundesh pjesën e mbetun me marrë n’punë me vehte e pse jo me e hangër edhe ditën tjetër.
Meqë jemi tek sallatat “ndryshe” dhe ngopëse, ti poashtu mundesh me e provu edhe sallatën me fasule, sallatën me avokado dhe domate, ose pasta-sallatën kapreze.
E nëse ke ra n’dilemë se çka me përgatitë për drekë si pjatë kryesore, ne ta rekomandojmë çorbën me pasul dhe pulë, ose çorbën me thjerrëza dhe kërpudha. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria