Kur bahet fjalë për sallata t’mira e t’shijshme, 4 super-sallatat tona “ndryshe” e kanë dëshmu tashma që shijet inovative t’sallatave me përbërës interesant duhet me u provu t’paktën 1 herë që me u gjyku mandej. Sallata ka prej ma t’ndryshmeve, duke përfshi lloj lloj përbërës, që jo domosdoshmërisht janë veç gjethe. Ka edhe sallata që t’ngijnë dhe ofrojnë shije unike e që nime t’kënaqin; kuskusi me kastraveca dhe limon si dhe kuskusi mediteran me karkaleca janë veç 2 shembuj.
Listës t’sallatave unike, autentike, plot shije, por edhe ngopëse sot po ja bashkangjesim edhe sallatën e fasuleve, ose me thanë ma popullorqe, sallatën me pasula. Ngopëse, interesante, jo e zakontë e shumë karakteristike, fasulet e ndryshme kombinohen jashtëzakonisht mirë me perimet dhe dresingun, n’mënyrë që me ta kënaqë shpirtin me secilën kafshatë. Mjafton me i ndjekë 2 hapa tepër t’thjeshtë.
PËRBËRËSIT E SALLATËS:
250 gr pasul i kuq i konservum
250 gr pasul i bardhë i konservum
250 gr qiqra t’konservume
1/2 qepë e kuqe (e grirë imët)
1 e 1/2 trup selino (i grirë imët)
1/2 tufë magdanoz (i prerë imët)
PËRBËRËSIT E DRESINGUT:
1 lugë e mesme oregano
1 lugë çaji kripë
1 lugë çaji biber
2 lugë gjelle uthull molle
3-4 lugë gjelle vaj ullini
HAPI 1:
Fillimisht sigurohu që i ke shpërla dhe kullu mirë fasulet e qiqrat. Shto t’gjithë përbërësit e sallatës n’nji pjatë t’thellë. N’nji enë t’ndame përziji me tel kuzhine përbërësit e dresingut.
HAPI 2:
Shto dresingun sipër perimeve e fasuleve dhe përzije sasinë mirë. Servo menjiherë ose leje n’frigorifer.
REZULTATI:
Njilloj sikurse edhe sallata persiane “Shirazi, apo edhe sallata virale “Cowboy Caviar”, kjo sallatë mundet me u servu me çipsa tortille si lloj mes-shujte, por edhe mundet me i shoqnu pjatat kryesore si paragjellë ose sallatë shoqnuese. E ma e mira e recetave si kjo e sallatës me fasule asht që me 1 lugë ti mundesh me i përtheku shijet e komplet sallatës n’1 kafshatë t’vetme.
Nëse veç ke ra n’dilemë se me çka me e servu/shoqnu këtë sallatë, atëherë ne t’rekomandojmë me e përgatitë çorbën tonë me perime. Shije që DUHESH me provu. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria