Kuzhina meksikane asht nji ndër kuizinat ma t’famshme e ma t’preferume t’njerëzve t’kulturave t’ndryshme n’mbarë botën. Ajo njihet për delikatesat n’petë, me shumë djegësti, përbërës t’freskët e kombinime interesante, por edhe për variacionet e ndryshme t’cilat i ofron. E jo kot, tacos, tortillas, enchiladas, tamales e specialitete t’ngjashme kanë zanë vend n’menytë e mijëra restoranteve anë e mbanë.
Edhepse kuzhina meksikane ka shumëçka me ofru, ne jemi mundu vazhdimisht me t’njoftu me recetat ma autentike e ma interesante meksikane e me ta lehtësu përgatitjen e tyne përmes udhëzimeve t’tona. Këtë gja po e bajmë edhe sot, ama kësaj here po e ndajmë me ty nji recetë që me shumë gjasë nuk e ke provu n’versionin tonë, por shijen e ke t’njohun – bahet fjalë për taco-supën; supën që ta ofron ngrohtësinë e gjellës dhe shijen tipike t’taco-ve me mish t’bluar.
PËRBËRËSIT KRYESOR:
750 GR mish viçi (i bluar)
1 qepë (e grirë imët)
4 lugë gjelle vaj ullini
3 gota ujë
200 gr pasul i kuq i konservuar
200 gr domate t’konservume (t’prera n’copëza)
200 gr misër i konservuar
3 speca hallapenjo turrshi (t’prera imët) /(Halapeno)
3 lugë gjelle pluhun dresingu “ranch”
1 lugë gjelle biber i kuq
1 lugë çaji kripë
1 lugë çaji magdanoz i tharë
1 lugë çaji hudhër pluhun
PËRBËRËSIT SHOQËRUES:
80-100 gr kashkavall (i grirë), ose 1 lugë gjelle për 1 servim
80-100 gr salcë kosi, ose 1 lugë gjelle për 1 servim
1 avokado të prerë n’kubëza, ose 1/6 avkokado për 1 servim
1/2 tufë magdanozi i imtësuar, ose 1 maje gishtash për 1 servim
1 limetë e prerë n’6 rriska, ose 1 rriskë për 1 servim
1 paketim tortilla çips, ose 1 grusht për 1 servim
Mundesh me e lexu edhe…
HAPI 1:
N’tenxhere t’thellë shto vajin e ullinit bashk me mishin e bluar dhe kavërdise masën për 3-4 minuta. Shto pastaj qepën e grirë dhe kavërdise mishin me qepë deri sa t’shterron i gjithë langu i mishit.
HAPI 2:
Sipër mishit shto misrin dhe pasulin e konservum (bashk me ujin që e kanë n’konservë), shto erëzat, domatet e konservume dhe specat hallapenjo. Përzije masën mirë. Mos harro masës me ja shtu edhe gotat me ujë.
HAPI 3:
Leje masën me u zi për 40 minuta dhe kohë pas kohe përzije atë. Largo tenxheren prej shporetit dhe servo n’pjatë t’thellë bashk me pak nga t’gjithë përbërësit shtesë; salcën e kosit, kashkavallin, magdanozin, tortilla çipsat dhe kubëzat e avokados.
REZULTATI:
Shijoje këtë supë meksikane n’kohë dreke a darke e kënaqu me shijen fantastike që kjo supë ta ofron. E po që se ke qejf me ja ba vehtës e t’tjerëve qejfin me nji darkë meksikane me disa variante t’ushqimit, mundesh tryezës me ja bashkangjitë edhe 3 kombinimet e fajita-ve meksikane bashk me salsën pikante, sallatën meksikane t’misrit, apo salsën me avokado dhe karkaleca. Biles, për me i dhanë “VIBE” hala ma meksikan drekës/darkës, definitivisht ta rekomandojmë me i përgatitë edhe disa Strawberry Margarita. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
