Kur flasim për gjanat e mira e t’shijshme, duhet me e pranu që jo patjetër nji pjatë duhet me përmbajtë mish për me qenë e shijshme. Këtë e dëshmojnë recetat e ndryshme vegane dhe vegjetariane, përfshirë edhe 7 pjatat tona vegjetariane. E shoqni këtyre pjatave po i bajnë edhe recetat tona t’qofteve vegjetariane.
T’shijshme e lehtësisht t’kombinushme me perime dhe ushqime t’tjera, qoftet vegjetariane, njilloj sikurse edhe ato me mish – vazhdojnë me mbetë nji prej ushqimeve favorite t’shumëkujt prej nesh dhe me t’drejtë. Mirëpo, jo çdo recetë arrinë me ofru rezultatet dhe me i tejkalu pritshmëritë e shumicës, ama ne jemi siguru me e ba nji gja t’tillë me 3 recetat tona t’famshme t’qofteve vegjetariane.
1. BROKOLLI-QOFTE
Brokolli-qoftet janë t’krijume tanësisht prej produkteve vegjetariane dhe janë prej specialitetecve t’cilat mundesh me i përgatitë n’3 hapa t’thjeshtë, plus nuk t’marrin ma shumë se 10-15 minuta kohë. Këto qofte mundesh lehtësisht me ua ba gati edhe fëmijëve që nuk e kanë merak fort brokollin dhe me ua servu n’formë burgeri bashk me salca t’ndryshme – pa e vërejtë ata fare.
2. QOFTE ME THJERRËZA
Qoftet me thjerrëza janë poashtu nji prej alternativave ma t’shnetshme t’qofteve vegjetariane t’cilat lehtësisht mundesh me i përgatitë n’kushte shtëpije e me i servu n’burger, po pse jo edhe me patate t’ambël e t’pjekun n’furrë, apo me nji sallatë patatesh me pesto. E ma s’miri këto qofte shkojnë me sosin e famshëm grek (TZAZIKI), vaçanarisht kur ke qejf me i servu si meze e jo si ushqim kryesor.
Mundesh me e lexu edhe…
3. QOFTE LULELAKRE
Qoftet prej lulelakre, njilloj sikurse edhe ato me brokolli janë ideale me i përgatitë kur don me përfshi ma shumë perime n’menynë e picimulëve, pa e vërejtë ata. Ideale për drekat e darkat dinamike, këto qofte mundesh me i përgatitë e me i vendosë n’friz, me i nxjerrë kur don me i gatu dhe me i kursy kohë vehtës përgjatë javës. E ma e mira e këtyre qofteve asht që edhe meraklive t’mishit ju pëlqejnë, sepse vërtetë kanë super shije.
Mos harro që që të 3 variantet mundesh me i përgatitë paraprakisht e me i rujtë n’friz për raste t’ndryshme. Mjafton me i njerrë 30 minuta para se me dasht’ me i gatu. E për ekstra shije, ti mundesh me i shoqnu cilëndo prej varianteve me salsë pikante meksikane, me salcë greke Tzaziki, apo njanën prej 4 sosave që shkojnë me gjithëçka. Biles edhe mundesh me i shoqnu me sallatë mediterane t’lakrës për nji pjatë me ma pak kalori – nëse je duke u kujdesë n’ushqim apo po mbanë dietë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
