Rep-artistja e famshme amerikane, Cardi B, e bëri një donacion prej 100 mijë dollarësh për shkollën fillore të Bronxit të cilën e kishte ndjekur si fëmijë.
Ajo e bëri një paraqitje befasuese në këtë shkollë, ku u mirëprit me brohoritje të mëdha nga nxënësit por edhe mësimdhënësit. Me këtë rast, Cardi i informoi ata se po i dhuron 100 mijë dollarë për institucionin e tyre.
Fituesja e çmimit “Grammy” kohëve të fundit ka kaluar më shumë kohë me familje, që nga publikimi i këngës “Hot Sh”. Ajo e festoi ditëlindjen e parë të djalit, Wave, të cilin e ka me reperin Offset, duke e organizuar një ndejë luksoze.
Mundesh me e lexu edhe…
“Ne e japim maksimumin për fëmijët tanë. I duam shumë ata. Dhe në fund të ditës, ne e kemi kaluar pjesën më të madhe të jetës sonë, pa i pasur mundësitë që ata i kanë sot. Jam i sigurt që nëse nëna ime do ta kishte rastin dhe mundësinë financiare, do ta mënte maksimumin që të m’I ofronte të gjitha gjërat që i dua”, deklaroi Offset gjatë intervistës së fundit në emisionin, “The Tonight Show Starring Jimmy Fallon”.
Në fund të muajit të kaluar, Cardi B e fitoi rastin gjyqësor për shpifje, prej 4 milionë dollarësh, kundër influencueses së YouTube, Tasha K. Kjo e fundit tani po kërkon që gjykata federale e apelit ta anulojë vendimin e madh, duke pretenduar se superylli doli fituese për shkak të një gjyqi të njëanshëm.
Përgatiti:
