Disney ka njoftuar një ndryshim të madh në orarin e publikimeve për disa ekskluzivitete të tij më të mëdha të filmave – duke shtyrë pjesët e ardhshme të “Avatar” dhe “Star Wars”.
Kompania e argëtimit të martën vonoi publikimin e “Avatar 3” me një vit, duke e shtyrë atë nga dhjetori 2024 në dhjetor 2025, ndërsa bëri ndryshime të tjera në oraret e publikimeve për filmat Marvel dhe “Star Wars”.
Për këstet e mëtejshme të planifikuara të “Avatar”, afati kohor u shtri edhe më tej, me “Avatar 4” që tani është planifikuar të dalë në kinema në dhjetor 2029 dhe “Avatar 5” i planifikuar për dhjetor 2031, shkruan DailyMail.
Filmi tjetër i “Star Wars” u shty nga dhjetori 2025 në maj 2026 dhe Disney shtoi një film tjetër në ekskluzivitet për dhjetor 2026.
Disney nuk ofroi një arsye për vonesat, megjithëse greva e vazhdueshme e shkrimtarëve të Hollywoodit mund të ketë ndërprerë disa projekte dhe kompania po kërkon gjithashtu të rrisë fitimet përmes shkurtimeve të thella të kostove.
CEO i Disney, Bob Iger, ka vendosur një objektiv për të ulur kostot vjetore me 5.5 miliardë dollarë, duke përfshirë një reduktim prej 3 miliardë dollarësh në shpenzimet për përmbajtjet jo sportive.
Kalendari i Marvel u ripunua gjithashtu të martën, pasi studioja në pronësi të Disney vazhdon të riformësojë planet e saj për fazat e ardhshme të sagës së madhe të superheronjve.
Më e rëndësishmja, “Avengers: Dinasty Kang” po shtyhet një vit, nga maji 2025 deri në maj 2026. “Avengers: Secret Wars” u shty gjithashtu me një vit, nga maji 2026 deri në maj 2027.
Ndryshime të tjera në publikimet e Marvel përfshijnë një numër filmash që vonohen disa muaj.
“Captain America: Brave New World” do të hapet në korrik 2024 në vend të majit 2024, pas së cilës vijnë “Thunderbolts” në dhjetor 2024, “Blade” në shkurt 2025 dhe “Fantastic Four” në maj 2025.
Ndryshimet në orarin e publikimit të Avatarit, nëse mbahen, do të nënkuptojnë se seria e filmave do të jetë shtrirë përgjatë katër dekadave të para të shekullit deri në kapitullin e pestë.
Regjisori James Cameron, i cili lansoi “Avatar” në 2009, ka thënë se nuk mund të drejtojë filmat për pjesën e katër dhe pesë.
Deri në dhjetor 2031, data e synuar për “Avatar 5”, Cameron tani 68-vjeçar do të ishte 77 vjeç.
“Avatar” dhe vazhdimi i tij, “Avatar: The Way of Water”, kanë fituar së bashku më shumë se 5.2 miliardë dollarë në arkat filmike. /Katror.info
Përgatiti:
