Një nga mënyrat kryesore që duhet të keni parasysh për të kursyer energji elektrike është heqja nga priza e çdo paisjeje elektrike që nuk përdorni, pasi çdo gjë harxhon energji edhe nëse qëndron në prizë pa u vendosur në punë.
Mbyllja e dyerve të brendshme shërben si një kurth për nxehtësinë në çdo dhomë dhe do të pengojë ajrin e ngrohtë të largohet drejt ambienteve të ftohta.
Për ta mbajtur dhomën edhe më ngrohtë, mbylleni hapësirat poshtë derës, për të mos lejuar nxehtësinë “të arratiset” nëpërmjet pjesës fundore.
Mundesh me e lexu edhe…
Hapësirat përreth dritareve dhe dyerve krijojnë mundësi për ajrin e ftohtë që të depërtojë në dhomë.
Shtatë deri në dymbëdhjetë përqind e humbjeve të nxehtësisë në një shtëpi ndodh përmes dyerve dhe dritareve, sipas Black Hills Energy, dhe ky fenomen i bën banorët të ndezin ngrohësen menjëherë.
Edhe nëse nuk e ndezin, ngrohtësia largohet, duke e detyruar kondicionerin ose kaldajën të sforcohet, dhe për pasojë të konsumojë më shumë energji.
Izoloni dritaret dhe dyert me ngjitës të përshtatshëm në pjesën e jashtme ose të bredshme të tyre. Sigurohuni që ngjitësja është puthitur mirë, në mënyrë që të reduktohet fenomeni i infiltrimit.
Dhe hapi më i vogël mund të bëjë diferencë të madhe. Sipas Energy Saving Trust, nëse ulni temperaturën e ngrohëses, qoftë ky kondicioner ose kaldajë, me vetëm 1°C, ju mund të kurseni 10% në faturën vjetore të energjisë elektrike.
Ju mund të reduktoni lehtësisht konsumin e energjisë në dimër duke e vendosur temperaturën në 20°C gjatë kohës që jeni në shtëpi, dhe duke e ulur atë kur jeni në gjumë ose larg shtëpisë.
Frigoriferët përdorin më shumë energji se çdo pajisje tjetër në shtëpi, por ju mund ta bëni tuajin me efiçent duke e mirëmbajtur atë.
Pastroni serpentinat që ndodhen në pjesën e pasme ose të poshtme të tij, dhe kontrolloni temperaturën me të cilën ai operon për t’u siguruar që nuk po shpenzoni energji dhe para. Temperatura e frigoriferit duhet të vendoset në 3-4 °C, ndërsa ngrirësi në -15°C.
Përpiquni të vendosni temperaturën e bolierit tuaj në 50°C. Jo vetëm që do të kurseni energji, por dhe do të evitoni djegien e duarve.
Sezoni i festave lidhet me gatimin. Furra ndizet në çdo ndarje të saj, ka apo nuk pa ushqim në të, kështu që përfitoni nga energjia që po konsumohet duke gatuar shumë gjëra në të njëjtën kohë.
Do të gatuani darkën tuaj për gjithë javën dhe në të njëjtën kohë do të kurseni energji.
Hiqni nga priza konsumatorët ‘fantazëm’ para se të dilni nga shtëpia.
Televizori, pajisjet elektronike, printeri, radio dhe shumë të tjera, konsumojnë energji dhe kur nuk janë të ndezura. Hiqini nga priza para se të niseni, dhe shijoni kursimet nga energjia.
Nëse nuk e keni bërë ende, ndërmerrni një auditim energjie për të parë potencialin e kursimit, dhe merrni në konsideratë investime më të mëdha që do të sjellin kursime më të larta.
Mbështillu me aksesorë të ngrohtë.
Kjo është një nga mënyrat më të lehta për të kursyer në faturën tuaj. Në vend që të ndizni ngrohësen, vishni një bluzë dhe çorape të ngrohta. Mbani një batanije pranë jush dhe shtroni rrugicat për të izoluar dyshemenë.
Përgatiti:
