Ekspertët kanë konfirmuar se këta janë djathrat më të shëndetshëm në botë

Nëse e konsideroni djathin si një delikatesë, mendoni përsëri. Ndërsa disa lloje djathi janë plot yndyrë dhe kripë dhe nuk kanë shumë vlera ushqyese, të tjerë  ofrojnë mjaftueshëm proteina, vitamina dhe baktere të shëndetshme për t’u konsideruar të shëndetshëm.

Kur bëhet fjalë për djathrat, dietologët dhe nutricionistët pajtohen se këto janë pesë llojet më të shëndetshme që mund të konsumojmë, shkruan Katror.info.

Mocarela

Me 22,2 gram proteina për 100 gram, mocarela konsiderohet si një nga djathrat më të shëndetshëm. Ka një përqindje më të ulët të yndyrave të ngopura dhe natriumit, dhe është një burim i mirë i kalciumit, fosforit dhe zinkut, të cilat janë të rëndësishme për shëndetin e kockave. Është gjithashtu një burim i mirë i baktereve Lactobacillus casei dhe Lactobacillus fermentum – dy probiotikë të vlefshëm që promovojnë shëndetin e zorrëve.

Djathi i dhisë

Djathi i butë dhe kremoz ka shumë përfitime shëndetësore, kryesisht për faktin se është bërë nga qumështi i dhisë. Qumështi i dhisë është i pasur me vitaminë A dhe riboflavinë (vitaminë B2), dhe përmban më pak laktozë se qumështi i lopës, gjë që është një lajm i mirë për ata që janë intolerantë ndaj laktozës.

Djathi i freskët

Me një përmbajtje të lartë proteinash dhe vitamina B dhe B12, gjiza është një ushqim i njohur për shëndetin prej vitesh. Në 100 gram gjizë, ka 14 gram proteina përgjegjëse për ndërtimin e muskujve dhe ndjenjën e ngopjes. Shumë marka të gjizës përmbajnë gjithashtu baktere që mund të ndihmojnë në rritjen e sistemit imunitar dhe përmirësimin e tretjes.

Parmixhano

Parmixhani gjithashtu ka proteina dhe kalcium të mjaftueshëm, por edhe shumë pak laktozë, prandaj tretet më lehtë se shumica e djathrave të qumështit të lopës. Është gjithashtu i pasur me natrium, ndaj nuk duhet të hahet në sasi të mëdha.

Djathi zviceran

Ky djathë me kokrra u fut në listën e ngushtë si një superushqim në vitin 2017, kur studiuesit koreanë zbuluan se ai përmbante një probiotik të vlefshëm të quajtur Propionibacterium freudenreichii. Sipas studimeve, ky probiotik mund të ndihmojë në reduktimin e inflamacionit, luftimin e infeksionit dhe madje ngadalësimin e procesit të plakjes. Djathi zviceran gjithashtu ka sasi të lakmueshme të vitaminës B12, kalciumit dhe fosforit, si dhe proteina dhe kalcium./Katror.info