Google feston sot 25 vjetorin.
Është interesante se në versionet e mëparshme Google ofronte gjithashtu mundësinë e kërkimit të rezultateve të kërkuara duke përdorur motorë të tjerë kërkimi, të lidhur në fund të faqes. Shumë prej tyre, si Altavista, nuk janë më në funksion.
Përjashtimet e vetme janë Yahoo dhe Amazon.
Deri në vitin 1993, interneti indeksohej manualisht, por ndërsa gjithnjë e më shumë uebfaqe u bënë të disponueshme, nevojiteshin më shumë opsione për të kërkuar shpejt informacionin nga baza e të dhënave të tij.
Në vitin 1998, dy studentë të doktoraturës në Stanford, Larry Page dhe Sergey Brin, patën një ide të thjeshtë që do të ndryshonte botën.
E quajtën Google.
Është interesante se Google u themelua dhe u ndërtua në dhomën e konviktit të Page dhe Brin, me serverin e parë që përdorte 10 disqe të ngurtë prej katër gigabajt, të cilët ishin të mbyllur plotësisht në një guaskë Lego.
Në fillim, platforma njihej si BackRub, sepse mbështetej në lidhjet e pasme në sajte të tjera. Megjithatë, kjo nuk zgjati shumë dhe përfundimisht u emërua Google.
Emri Google rrjedh nga një lojë me fjalët e një shprehje matematikore – googol.
Ajo që filloi si server është zgjeruar që atëherë në aplikacione, platforma të rrjeteve sociale, inteligjencë artificiale (AI), syze, makina dhe madje është bërë një folje në gjuhën angleze, shkruan Katror.info.
Fraza “Google it” u përdor për herë të parë në një episod të serialit televiziv kult nga vitet 1990, Buffy the Vampire Slayer.
Produkti i parë i lançuar nga gjigandi i sotëm global i internetit – faqja e kërkimit Google – u lançua më 27 shtator 1998.
Google u ka ofruar përdoruesve një numër të madh produktesh dhe shërbimesh të ndryshme. Midis tyre, përveç Google Search, dy janë ndër më të njohurit dhe më të përdorurit në botë: shërbimi i postës elektronike – Gmail dhe sistemi operativ më i përhapur për pajisjet mobile në botë – Android.
Sipas statistikave të kompanisë mëmë Alphabet, vlera e Google në shtator 2023 është më shumë se 1.7 trilion dollarë./Katror.info
Përgatiti:
