Astronomët kanë regjistruar radio-valë misterioze që vlerësohet se u janë dashur tetë miliardë vjet për të arritur në Tokë. Një seri radio valësh të shpejta që janë intensive, vetëm milisekonda të gjata, janë me origjinë të panjohur, dhe këto të fundit janë regjistruar si më të largëtat dhe më të fuqishmet ndonjëherë.
Shpërthimi, i quajtur FRB 20220610A, zgjati më pak se një milisekondë, por në atë kohë lëshoi aq energji sa Dielli ynë lëshon gjatë 30 viteve, sipas një studimi të botuar në revistën Science.
Shpërthimi u kap në qershor 2022 nga grupi radioteleskopësh ASKAP i vendosur në Australinë Perëndimore.
Mundesh me e lexu edhe…
Ne arritëm të përcaktonim saktësisht se nga erdhi shpërthimi, theksoi bashkëautori i studimit Dr. Stuart Ryder, një astronom nga Universiteti Macquarie në Australi.
Ai shpjegoi se si ata përdorën një teleskop në Kili për të kërkuar për galaktikën origjinale dhe zbuluan se ajo ishte më e vjetër dhe më e largët se çdo burim tjetër i tillë i valëve të radios që ishte regjistruar deri më tani.
Ekipi hulumtues beson se shpërthimi ka ndodhur gjatë procesit të bashkimit, ndërveprimit dhe formimit të yjeve të reja. Ata besojnë se shpërthimet e shpejta të radios mund të jenë një metodë unike për të vlerësuar masën e universit, shkruan Katror.info.
Nëse numërojmë sasinë e materies normale në univers, zbulojmë se më shumë se gjysma e asaj që duhet të ekzistojë sot mungon, shpjegoi Ryan Shannon, profesor në Universitetin Swinburne dhe bashkëautore i studimit. Ne mendojmë se materia që mungon fshihet në hapësirën midis galaktikave, por mund të jetë aq e nxehtë dhe e shpërndarë sa është e pamundur ta përcaktosh pamjen e saj me teknikat e njohura aktualisht, shtoi ajo.
Por shpërthimet e shpejta të radios, shpjegon Shannon, “ndjejnë” këtë material të jonizuar. Ato mund të “shohin” elektronet, dhe kjo na lejon të matim sa lëndë ka midis galaktikave.
Astronomët shpresojnë që në të ardhmen, radioteleskopët e rinj që po ndërtohen në Australi dhe Afrikën e Jugut do të mundësojnë zbulimin e mijëra radio-shpërthimeve të tilla në distanca më të mëdha. /Katror.info
Përgatiti:
