Orkestra Filharmonike e Kosovës më datë 29 tetor do të mbaj koncert nën dirigjimin e dirigjentit amerikan Gregory Charette, që për solist ka violonçelistin, Konstantin Manaev, shkruan KultPlus.
Filharmonia e Kosovës përmes një postimi në facebook ka paralajmëruar për pasurinë artistike të koncertit.
“Përgatituni të mahniteni nga një program i pasur muzikor, duke përfshirë premierën e veprës “Attempt” për orkestër harqesh, të kompozitorit të ri kosovar, Ersan Januzi, vijuar nga Koncerti i 1-të për Violonçel nga Dmitri Shostakovich dhe Simfonia Nr. 1 e kompozitorit Jean Sibelius. Një përvojë muzikore që nuk duhet humbur”, thuhet në njoftimin e Filharmonisë.
Mundesh me e lexu edhe…
Koncerti do të mbahet më 29 tetor në ora 20:00 në Sallën e Kuqe të Pallatit të Rinisë, dhe hyrja do të jetë falas për të gjithë adhuruesit e muzikës klasike./Katror.info
Përgatiti:
