Për t’iu dalur në ndihmë turistëve që pëlqejnë vendet më të ngrohta edhe gjatë dimrit, një agjenci turistike nga Portugalia bëri të ditur se cilat janë destinacionet e ngrohta në Evropë që mund të vizitoni gjatë dhjetorit. Secili prej destinacioneve të ofruara është perfekt për një arratisje të shkurtër dimërore.
Organizata “Visit Kaskas” raporton se më shumë se 8000 britanikë aktualisht janë duke kërkuar për “diellin e dimrit” në Google. Këtu janë pesë destinacione evropiane që mund t’i vizitoni nëse dëshironi të shpëtoni nga dimri dhe madje të bëni një zhytje.
5. Tiranë, Shqipëri
Mundesh me e lexu edhe…
Kryeqyteti i Shqipërisë, Tirana, është i njohur për arkitekturën e saj shumëngjyrëshe, duke përfshirë monumentet nga periudha osmane dhe sovjetike. Tirana mund të mburret edhe me një pyll vertikal të pabesueshëm nga arkitekti Stefan Boeri. Ka shumë arsye për të vizituar këtë qytet me një klimë të butë, të karakterizuar nga një temperaturë mesatare prej 17 gradë në nëntor dhe dy gradë më e ulët në dhjetor.
Temperatura mesatare në nëntor dhe dhjetor: 15 gradë.
Temperatura mesatare e detit: 15 gradë.
Plazhi më i mirë dhe më i afërt: Plazhi i Durrësit
4. Romë, Itali
Roma, si Parisi, është gjithmonë një destinacion i mirë për pushime. Edhe pse të gjithë mendojnë se Roma është një destinacion urban, ju duhet më pak se një orë për të arritur në breg të detit.
Ka shumë plazhe të bukura dhe do të jeni të lumtur të lageni për shkak të temperaturës mesatare të ujit prej 21 gradësh edhe në dhjetor.
Në fakt, temperatura e ujit është më e lartë se temperatura e ajrit, ndaj nëse dëshironi të zëvendësoni qytetin me plazhin, Roma është një zgjedhje e mirë.
Temperatura mesatare e ajrit në nëntor dhe dhjetor: 15 gradë.
Temperatura mesatare e ujit: 21 gradë.
Plazhi më i afërt dhe më i mirë: Plazhi Tibidabo.
3. Athinë, Greqi
Shumica e turistëve kur vizitojnë Athinën mendojnë për rëndësinë historike dhe rrënojat e qyteteve të lashta greke, por Athina ka një numër të madh plazhesh që janë perfekte për pushime.
Ky qytet ka edhe numrin më të madh të ditëve me diell, vitin e kaluar kishte 268 ditë me diell.
Temperatura mesatare e ajrit në nëntor dhe dhjetor: 17 gradë.
Temperatura mesatare e ujit: 20 gradë.
Plazhi më i mirë në afërsi: Plazhi i Glyfadës.
2. Lisbonë, Portugali
Kryeqyteti i Portugalisë, Lisbona, dhe rajoni i Cascas gëzojnë diell gjatë gjithë vitit, me një temperaturë mesatare prej 17 gradë.
Bernardo Barso, president i distriktit Cascas thekson se me 226 ditë me diell në vit, dhe temperatura mesatare afër 20 gradë, Portugalia është destinacioni i duhur për njerëzit që duan t’i shpëtojnë motit të dimrit dhe të lahen në diell.
Ai e përshkruan Cascas-in si thesarin e fshehur të Portugalisë, me shumë diell, ushqim të mrekullueshëm, plazhe të bukura.
Temperatura mesatare e ajrit në nëntor dhe dhjetor: 17 gradë.
Temperatura mesatare e detit: 19 gradë.
Plazhi më i mirë dhe më i afërt: Plazhi i Tamarizit.
1. Valeta, Maltë
Nëse adhuroni diellin, atëherë Valletta, kryeqyteti i Maltës, është zgjedhja e duhur.
Me një temperaturë mesatare të detit rreth 20 gradë në dhjetor, Malta është një destinacion ideal për ata që duan të shijojnë notin deri në Vitin e Ri.
Malta ka më shumë se 230 ditë me diell në vit me një temperaturë mesatare prej 19 gradë gjatë nëntorit dhe dhjetorit.
Temperatura mesatare e ajrit në nëntor dhe dhjetor: 19 gradë.
Temperatura mesatare e ujit: 22 gradë.
Plazhi më i mirë dhe më i afërt. Plazhi i Shën Elmos./Katror.info
Përgatiti:
