Shumë njerëz pëlqejnë të pinë ujë të gazuar. Edhe pse është një zgjedhje më e mirë se lëngjet me sheqer dhe pijet e tjera që përmbajnë sasi të mëdha sheqeri, ekspertët paralajmërojnë se uji i gazuar duhet të konsumohet me masë.
Për adhuruesit, uji i gazuar ofron një përvojë që uji i zakonshëm nuk mund ta bëjë: zhurma e flluskave kur hapni një shishe, therja në gojë kur pini, dhe nganjëherë një aromë e butë “natyrale”.
Uji i thjeshtë është i shkëlqyeshëm për hidratim, por “do të habiteshit sa njerëz nuk duan të pinë ujë të thjeshtë, sepse nuk u pëlqen shija”, thotë Anna Linge, dietologe e regjistruar në Qendrën Mjekësore Universitare në Washington DC, duke shtuar se “shtimi i flluskave e bën atë më të pranueshëm”.
Mundesh me e lexu edhe…
Dietologët pajtohen që uji i gazuar, i cili përfshin ujë të gazuar artificial, është po aq hidratues sa uji i zakonshëm, por uji i rubinetit ka një avantazh shtesë – ai përmban fluor, i cili ndihmon në parandalimin e dëmtimit të dhëmbëve, shkruan The New York Times.
- Advertisement -
Por kini parasysh se uji i gazuar ka më shumë acidik se i zakonshmi.
Uji i gazuar përmban dioksid karbon, i cili shndërrohet në acid karbonik në kontakt me pështymën duke ulur pH në gojën tuaj.
- Advertisement -
Shijet që kanë një vlerë të ulët pH mund të jenë të dëmshme për dhëmbët, duke rritur mundësinë e kariesit. Sidoqoftë, duhet të theksohet se uji mineral është shumë më i shëndetshëm për dhëmbët sesa lëngjet e gazuara ose të frutave, siç tregohet nga rezultatet e një studimi të botuar në vitin 2016 në revistën e Shoqatës Amerikane të Dentarëve.
Përgatiti:
