Një nga mundësitë më të mëdha të investimeve gjatë dekadës së ardhshme do të jenë kompanitë që punojnë për të zgjatur jetën e njerëzve, një treg që pritet të ketë vlerë të paktën 600 miliardë dollarë deri në vitin 2025, sipas një prej bankave më të mëdha të investimeve të Wall Street.
Analistë të ndryshëm besojnë se janë në prag të një “rritjeje të paprecedentë të cilësisë dhe kohëzgjatjes së jetës njerëzore”. Inovacioni në shkencën e gjenomit, të dhënat e mëdha dhe “pavdekësia”, e cila përfshihet në teknologji ose produkte në hapësirën e mirëqenies, së shpejti mund të zgjasë jetën e shëndetshme të njeriut përtej 100 vjetësh, tha BofA të mërkurën.
Disa shkencëtarë, sipas cnbc.com , kanë llogaritur tashmë se “kostoja e sekuencës gjenomike është ulur me 99.999% që nga viti 2003”. “Kjo ka mundësuar që të dhënat e reja në saktësinë mjekësore të zgjasin më tej jetëgjatësinë, duke paralajmëruar një revolucion të “teknologjisë”.
Mundesh me e lexu edhe...
Çdo ditë, teknologjia në mjekësi zhvillohet me një ritëm të tillë që me ndihmën e saj zbulohen mënyra të reja, të cilat në fund do të na ndihmojnë të jetojmë më gjatë dhe më shëndetshëm.
Gjenetika
Gjenomika , ose studimi i gjenomit njerëzor, pritet të jetë një industri prej 41 miliardë dollarësh deri në vitin 2025 dhe do të ofrojë “gjenerën e ardhshme të teknologjisë së redaktimit të gjeneve që do të japë përparime potencialisht revolucionare në parandalimin dhe trajtimet e sëmundjeve”, tha Banka e Amerikës.
Shëndeti me inteligjencë artificiale
Zhvillimi i inteligjencës artificiale i kombinuar me një grup gjithnjë në rritje të të dhënave të kujdesit shëndetësor pritet të ndihmojë studiuesit të analizojnë patologjinë, ose studimin e shkaqeve dhe efekteve të sëmundjeve, në vitet e ardhshme.
Përmirësimet në teknologji kanë potencialin për të ulur kostot e lidhura me shëndetin dhe për të mundësuar mjekësi precize, thanë analistët e BofA. Për më tepër, mbledhja më e mirë e të dhënave nga produktet e AI mund të çojë në zhvillim më të mirë të barnave.
Ushqimi i së ardhmes
Frutat
Në të ardhmen, kompanitë ushqimore pritet të sigurojnë “ushqim më të shëndetshëm në planet”.
Këto kompani, sipas BofA, duhet të përfitojnë nga redaktimi i gjeneve bujqësore, për një mënyrë jetese dhe konsum më të shëndetshëm.
“Pavdekësia”
Tema e “pavdekësisë”, që pritet të jetë 504 miliardë dollarë deri në vitin 2025, do të ndihmojë në përmirësimin e shëndetit dhe jetëgjatësisë në dobi të vitalitetit njerëzor, duke i mundësuar popullatës së botës të jetojë jo përgjithmonë, por më të shëndetshme dhe pa sëmundje.
“Mjekësia e Moonshot”
Kompanitë e mjekësisë “Moonshot” domethënë ato që ofrojnë zgjidhje revolucionare të kujdesit shëndetësor po punojnë për kura për disa nga sëmundjet më sfiduese të njerëzimit, nga fibroza cistike te Parkinson dhe Alzheimer.
Këto zbulime do të zgjasin jetëgjatësinë tonë të shëndetshme, do të përmirësojnë cilësinë e jetës, nga mosha e mesme e më tej, dhe ka të ngjarë të paktën të dyfishojnë vitet të jetës sonë./Katror.info
Përgatiti:
