Legjendat e rock-ut AC/DC rikthehen në atdhe.
Grupi i famshëm ka konfirmuar një turne të madh në stadiume në të gjithë Australinë, që do të nisë më 12 nëntor në Melbourne Cricket Ground dhe do të përfundojë më 14 dhjetor në Brisbane.
Turneu i shumëpritur, i pari në Australi që nga viti 2015, do të përfshijë ndalesa në qytete të mëdha si Sydney, Adelaide, Perth dhe do të shoqërohet nga grupi Amyl and the Sniffers.
Mundesh me e lexu edhe…
Formacioni përfshin emra të njohur si Angus Young (kitarë kryesore), Brian Johnson (vokal), Stevie Young (kitarë ritmike), Matt Laug (bateri) dhe Chris Chaney (bas).
Pas sukseseve të mëdha me turnetë “Black Ice” dhe “Rock or Bust”, AC/DC janë gati të elektrizojnë përsëri fansat me hitet e tyre klasike dhe këngët nga albumi i fundit “Power Up”.
Pas një turneu europian dhe një performance të fundit në SHBA në maj, grupi është në formë të shkëlqyer për rikthimin në skenën australiane./Katror.info
