Administrata e Donald Trump planifikon të mbajë vetëm 294 nga mbi 10,000 punonjësit globalë të Agjencisë së Shteteve të Bashkuara për Zhvillim Ndërkombëtar (USAID), sipas burimeve të njohura për “Reuters”, transmeton Katror.info.
Ky reduktim i madh është pjesë e një iniciative të riorganizimit të qeverisë, e udhëhequr nga biznesmeni Elon Musk, një aleat i afërt i presidentit Trump, dhe synon bashkimin e USAID me Departamentin e Shtetit.
Plani i ri parashikon mbajtjen e vetëm 12 punonjësve në Byronë e Afrikës dhe tetë në Byronë e Azisë, dy rajone që tradicionalisht kanë qenë përfitues kryesorë të ndihmës humanitare amerikane.
Ish-administratori i USAID, J. Brian Atwood, e ka kritikuar ashpër këtë lëvizje, duke deklaruar se shkarkimi masiv i stafit do të çojë në shpërbërjen e një agjencie që ka shpëtuar dhjetëra miliona jetë në mbarë botën. Ai ka theksuar se shumë njerëz që varen nga programet e USAID mund të mos mbijetojnë pa ndihmën e saj.
Departamenti i Shtetit nuk ka dhënë asnjë koment mbi këtë vendim. Administrata ka shpallur se të gjithë punonjësit e USAID në botë do të vendosen në leje administrative, përveç atyre që konsiderohen si pjesë e funksioneve kritike të misionit.
Ky veprim ka ngritur shqetësime të mëdha për të ardhmen e programeve jetike humanitare në mbarë botën, të cilat tani janë në pasiguri.
Ligjshmëria e kësaj riorganizimi mbetet e paqartë pa miratimin e Kongresit, duke qenë se krijimi dhe financimi i USAID është i përcaktuar me ligj. Lëvizja është përballur me kritika të ashpra, përfshirë edhe nga ish-kreu i USAID, J. Brian Atwood, i cili argumenton se këto pushime nga puna do të shkatërrojnë agjencinë dhe do të rrezikojnë programet jetike humanitare në mbarë botën./Katror.info
Përgatiti:
