Një 13-vjeçar nga Nju Jorku ka bërë një zbulim të jashtëzakonshëm që mund të ndikojë në të ardhmen e energjisë së pastër. Aidan Dwyer, gjatë një shëtitjeje në natyrë, vuri re se pemët i rregullojnë degët dhe gjethet sipas një modeli matematikor të njohur si sekuenca e Fibonaccit – një renditje numrash që shfaqet shpesh në botën natyrore, shkruan OGN Daily, transmeton Katror.info.
I intriguar nga kjo, ai ndërtoi dy sisteme të vogla me panele diellore për të testuar idenë se vendosja sipas këtij modeli mund të përmirësojë thithjen e dritës. Rezultatet e testimit treguan se “pema diellore” e dizajnuar prej tij grumbullonte pothuajse 50% më shumë energji sesa panelet tradicionale, sidomos gjatë dimrit kur dielli është në kënde të ulëta.
Ky zbulim ka potencial të madh për rajonet me klimë të ftohtë dhe dimra të gjatë, ku panelet diellore zakonisht kanë efikasitet më të ulët.
Mundesh me e lexu edhe…
Megjithëse nevojiten testime më të avancuara për përdorim industrial, arritja e Dwyer ka marrë vlerësim të madh, duke i sjellë atij Çmimin e Rinjve Natyralistë nga Muzeu Amerikan i Historisë së Natyrës. /Katror.info
Burimi: Only Good News Daily
Përshtati dhe përktheu: Katror.info
