Zyra e Bashkimit Evropian në Kosovë ka njoftuar se Aivo Orav, një diplomat estonez me përvojë të gjerë kombëtare dhe të BE-së do të jetë Përfaqësuesi i ri Special i BE-së në Kosovë.
”Aivo Orav, një diplomat estonez me përvojë të gjerë kombëtare dhe të BE-së do të jetë Përfaqësuesi i ri Special i BE-së në Kosovë, duke pasuar ambasadorin Tomáš Szunyog, i cili ishte në këtë post që nga viti 2020”, thuhet në njoftim.
Sipas njoftimit, Orav aktualisht shërben si Përfaqësues i Përhershëm i Estonisë në BE. Karriera e tij përfshin gjithashtu drejtimin e delegacioneve të BE-së në Mal të Zi dhe Maqedoninë e Veriut.
Mundesh me e lexu edhe…
”Në rolin e tij të ri, Orav do të luajë një rol udhëheqës në promovimin e një Kosove të qëndrueshme, paqësore, demokratike dhe multietnike. Ai gjithashtu do të mbështesë perspektivën evropiane të Kosovës, duke lehtësuar progresin në prioritetet politike, ekonomike dhe të BE-së”, thuhet tutje në njoftim.
Aivo Orav do të marrë detyrën zyrtarisht më 1 shtator 2024. /Katror.info
Përgatiti:
