Aktivistja e mjedisit, Shpresa Loshaj, u nderua me çmimin për të Drejtat e Njeriut të Republikës së Francës.
Këtë e bëri të ditur diplomati kosovar, Shemsi Krasniqi nëpërmjet rrjeteve sociale. Sipas tij, znj. Loshaj u bë e njohur për mbrojtjen e Lumbardhit, dhe kjo u kuptua dhe vlerësua drejtë nga Franca, ndërkaq kërkon që të kuptohet dhe vlerësohet edhe nga Kosova.
Diplomati kosovar e cilëson nder të madh për Kosovën kauzën e aktivistes Shpresa Loshaj dhe shprehet se ajo iu jep shpresë, motiv, guxim dhe mësim të gjithë qytetarëve të Kosovës.
Mundesh me e lexu edhe…
“Shpresa Loshaj, aktivistja e njohur për mbrojtjen e Lumbardhit të Deçanit, themeluese e OJQ “Pishtarët”, mbrëmë në Paris u nderua nga shteti francez me Çmimin për të Drejtat e Njeriut i Republikës së Francës “Liri, Barazi, Vëllezëri”. Urime Shpresës për çmimin e merituar dhe gjithë përkrahësve të saj në këtë kauzë!
Derisa një natë më parë, promovuam përkthimin frëngjisht të eposit shqiptar dhe folëm mbi heronjtë dhe figurat imagjinare, mbrëmë takuam një heroinë reale, një zanë mali të vërtetë që i mbron lumejntë e Kosovës!
Jo vetëm me punën e saj të deritashme, por edhe me çmimin që morri mbrëmë, Shpresa Loshaj i bën nder e shërbim të madh vendit tonë. Ajo iu jep shpresë, motiv, guxim dhe mësim të gjithë qytetarëve të Kosovës, se e drejta për ujë është e drejtë njerëzore, se mbrojtja e lumenjve është mbrojtje e jetës, mbrojtja e natyrës është mbrojtje e Tokës dhe botës në të cilën jetojmë. Kauza e saj e drejtë për mbrojtjen e Lumbardhit, u kuptua dhe vlerësua drejtë nga Franca, e duhet të kuptohet, vlerësohet dhe përmbushet nga Kosova”, u shpreh Krasniqi./Katror.info
Përgatiti:
