Aktorja britanike fituese e çmimit “Oscar”, Olivia Colman tha se do të ishte paguar “shumë më shumë” për filmat e saj nëse do të ishte burrë, sipas CNN. “Unë jam shumë e vetëdijshme se nëse do të isha Oliver Colman, do të fitoja shumë më tepër”, tha ajo.
“Jam e vetëdijshme për një pabarazi pagash”, theksoi Colman. Çështja e pagës së barabartë në Hollivud shpërtheu një dekadë më parë, por lista më e fundit e 10 aktorëve më të paguar përfshin vetëm dy gra, përcjell ATSH.
“Hulumtimet sugjerojnë se gratë kanë qenë gjithmonë aktore të suksesshme që shumë njerëz do të paguanin për t’i parë”, tha Colman.
Mundesh me e lexu edhe...
“Aktorët meshkuj paguhen më shumë sepse ekzekutivët mendojnë se ata tërheqin audiencën. Dhe në fakt kjo nuk ka qenë e vërtetë për disa dekada”, tha ajo.
“Por, ata duan ta përdorin këtë si një arsye për të mos paguar gratë aq sa homologët e tyre meshkuj, veçanërisht në industrinë e filmit”, tha Colman.
Colman iu bashkua Listës A të Hollivudit në vitin 2019 kur fitoi çmimin “Oscar” për Aktoren Më Të Mirë për rolin e mbretëreshës Anne në filmin “The Favourite”, dhe që atëherë ka pasur dy nominime të tjera.
Së fundmi, ajo u shfaq në filmin “Wonka” dhe pritet të shfaqet në filmin e ardhshëm “Paddington In Peru”./Katror.info
Përgatiti:
