Një nga emrat më të dashur të muzikës shqiptare, Alban Skënderaj, vazhdoi me sukses turneun e tij muzikor “Motiv”, duke sjellë një koncert të jashtëzakonshëm në qytetin e Milanos. Pas debutimit të projektit në Tiranë në qershor të vitit 2024, ku u prit me entuziazëm të madh dhe kritika pozitive, artisti shqiptar i njohur për emocionin dhe profesionalizmin e tij, solli këtë rrëfim muzikor edhe për diasporën shqiptare në Itali.
@fabij20 Alban Skenderaj a Milano ✨✨ . #albanskendaraj #albanskenderajconcert #MusicaAlbanese #AlbanesiInItalia #EventiAlbanesi #albanskenderajmotiv #albanskenderaj2025 ♬ suono originale – Fabjola Isufaj
Atmosfera në Milano ishte magjike. Pamjet e shumta të shpërndara në rrjetet sociale, veçanërisht në TikTok, tregojnë për një audiencë të jashtëzakonshme – dhjetëra mijëra fansa që mbushën hapësirën për të ndjekur nga afër performancën e artistit. Zëri i Albanit, ndjeshmëria në interpretim dhe lidhja e fortë që krijoi me publikun, e kthyen natën në një përvojë të paharrueshme.
Skënderaj, i njohur për tekstet e ndjera dhe stilin e tij unik, vazhdon të mbajë një vend të veçantë në zemrat e publikut shqiptar. Koncerti “Motiv” nuk është vetëm një ngjarje muzikore, por një udhëtim emocional përmes këngëve që flasin për jetën, dashurinë, ëndrrat dhe sfidat. Me një skenografi moderne dhe një performancë perfekte live, ai dëshmoi edhe një herë se është një artist i kompletuar, që i qëndron besnik artit dhe publikut të tij.
Mundesh me e lexu edhe…
Koncerti në Milano përforcoi suksesin e projektit dhe tregoi se muzika e Alban Skënderajt tejkalon kufijtë gjeografikë dhe gjuhësorë, duke prekur zemrat e të gjithëve, kudo që ndodhen./Katror.info
