Aloe vera është një nga bimët që ka më shumë përfitime mjekësore në gjithë botën. Përdorimi i saj fillon që në kohërat antike. Njerëzit e kanë përdorur atë për mijëra vjet për shërimin dhe zbutjen e lëkurës. Aloe vera ka qenë gjithashtu një trajtim popullor për shumë sëmundje, duke përfshirë kapsllëkun dhe çrregullimet e lëkurës.
Xheli i aloe vera është i njohur gjerësisht për lehtësimin e djegieve nga dielli dhe ndihmon në shërimin e plagëve. Por a e dini se bima juaj e preferuar në vazo mund të përdoret për shumë më tepër sesa për të lehtësuar djegiet nga dielli dhe për dekorimin e shtëpisë?
Kjo bimë ka një histori të gjatë përdorimi për qëllime mjekësore, që daton që nga Egjipti i lashtë. Bima është vendase në Afrikën e Veriut, Evropën Jugore dhe Ishujt Kanarie. Sot, aloe vera rritet në klimat tropikale në mbarë botën. Studiuesit ende janë duke studiuar përfitimet e shumta të kësaj bime universale dhe nënprodukteve të saj.
Mundesh me e lexu edhe…
Disa nga benefitet e kësaj bime të fuqishme janë:
- Trajton aknet
Aloe Vera punon si një antibakterial dhe astrigjent i fuqishem për pastrimin e fytyrës nga puçrrat e ndryshme. Aloe vera pastron lëkurën nga të gjitha papastërtitë e ndryshme, ndihmon në hapjen e poreve dhe largon papastërtitë që janë mbledhur aty. Nga ana tjetër, ajo përmban antibiotikë natyralë që favorizojnë stimulimin e lëkurës me qëllim që të shërohet.
- Rigjeneron lëkurën
Aplikimi i aloe veras rrit prodhimin e fibroblasteve të cilat prodhojnë kolagjen, proteinë kjo përgjegjëse për kontrollin e plakjes së lëkurës. Alo vera ka përmbajtje të lartë të betakarotenit vitaminës C dhe E, të cilat ndihmojnë në reduktimin e plakjes së lëkurës.
- Largon rrathët e zinj të syve
Duhet ta dini se është shumë e vështirë që të largohen rrathët e zinj dhe qeskat poshtë syve. Gjithsesi aloe vera do ju ndihmojë që ato të reduktohen dhe pamja e syve tuaj do përmirësohet ndjeshëm.
- Lufton rënien e flokëve
Aloe vera gjithashtu lufton rënien e flokëve sepse ka më shumë se 20 minerale dhe vitaminat A, B1, B2, C dhe E të cilat janë esenciale për shëndetin e flokut. Aloe vera forcon skalpin sepse depërton në flokë dhe pastron skalpin.
Përgatiti:
