Ambasada e Republikës së Kosovës në Londër, ka organizuar pritje zyrtare me rastin e shënimit të 16-vjetorit të Pavarësisë së Kosovës, transmeton albinfo.ch.
Sipas njoftimit nga ambasada, në një ceremoni solemne dhe me pjesëmarrjen e kryeministrit të Republikës së Kosovës, Albin Kurtit, me të ftuar të shumtë nga kori diplomatik, autoritete qeveritare dhe përfaqësues të organizatave të ndryshme ndërkombëtare të akredituara në Londër, si dhe bashkatdhetarë që jetojnë atje, Ambasada e Kosovës ka organizuar një pritje të shkëlqyer në ambientet e “The Royal Horseguards”.
“Në fjalimin e mirëseardhjes në këtë ceremoni, Ambasadori i Republikës së Kosovës në Londër, z. Ilir Kapiti foli për rolin e misionit diplomatik të Kosovës në Londër, lidhjet mes Kosovës dhe Mbretërisë së Bashkuar si dhe avancimin e mëtejmë të bashkëpunimit ndërmjet Kosovës dhe Mbretërisë së Bashkuar. Të pranishmëve me një fjalë rasti ju drejtuan Kryeministri i Republikës së Kosovës, z. Albin Kurti ku po qëndron në vizitë zyrtare në Mbretërinë e Bashkuar si dhe Ambasadori i emëruar i Mbretërisë së Bashkuar në Republikën e Kosovës, z. Jonathan Hargreaves”, thuhet në njoftim. /Katror.info
Mundesh me e lexu edhe...
Përgatiti:
