Google po punon për të zgjeruar kapacitetet e backup-it në Android. Një analizë e versionit beta të Google Play Services 26.32.31 tregon se mund të vijë një opsion i ri për të ruajtur më shumë të dhëna të telefonit në cloud. Aktualisht, backup-i automatik online ruan kryesisht fotot, videot, disa të dhëna të përdoruesit dhe konfigurimet, por jo gjithçka. Disa aplikacione kanë të dhëna të koduara që nuk mund të ruhen dhe nuk ka mundësi të ruhet direkt përmbajtja e folderëve si “Downloads”.
Por sipas kodit të versionit beta, duket se Google po zhvillon një mënyrë për të backup-u folder-in “Downloads” dhe ndoshta edhe të tjerë. Gjithçka do të ngarkohet në Google Drive, ndërsa një referencë tek “documents” sugjeron se mund të zgjidhen vetëm lloje të caktuara skedarësh. Pavarësisht detajeve, është e qartë se Google po punon për opsione të reja backup-i, dhe së shpejti mund të dimë më shumë. Ndërkaq, Google po prezanton një funksion të ri sigurie në Android 16 që zbulon mundësinë që dikush po përgjon telefonin tuaj. Google ka njoftuar një përditësim të rëndësishëm sigurie në Android 16, përcjell TAR.
Sistemi operativ do të jetë në gjendje të njohë kur telefoni juaj është i lidhur me një stacion bazë të rremë, gjë që mund të tregojë një përpjekje për të përgjuar ose ndjekur vendndodhjen tuaj. Ky funksion është veçanërisht e rëndësishme sepse pajisjet e ashtuquajtura “stingray”, të cilat mund të mashtrojnë telefonin tuaj që të lidhet me një rrjet të pasigurt duke u lejuar sulmuesve potencialë të hyjnë në thirrjet, mesazhet dhe të dhënat e tjera tuaja.
Mundesh me e lexu edhe…
Një opsion i ri i quajtur “siguria e rrjetit celular” do të shfaqet në cilësimet e telefonit tuaj, ku përdoruesit do të jenë në gjendje të aktivizojnë njoftimet e rrjetit. Kur ky funksion të aktivizohet, Android do t’ju paralajmërojë nëse telefoni juaj kalon në një rrjet të pasigurt ose nëse rrjeti kërkon të dhëna të ndjeshme si numrat IMEI ose IMSI. Do të ketë gjithashtu një opsion për të çaktivizuar lidhjen 2G, e cila është më e ndjeshme ndaj sulmeve të tilla. /Katror.info
Përgatiti:
