WhatsApp ka qenë gjithmonë pak dorështrënguar kur bëhet fjalë për madhësinë e bisedës në grup, por tani ka lëvizje të tjera në atë drejtim.
Në maj, kompania rriti madhësinë e grupit në 512 persona dhe shtoi mundësinë për të ndarë dokumente me madhësi deri në 2GB, dhe tani, WABetaInfo vuri re se madhësia e grupit është dyfishuar përsëri.
Në versionin beta më të fundit të WhatsApp për Android dhe iOS, përdoruesit mund të shtojnë deri në 1023 pjesëmarrës të tjerë në një grup.
Mundesh me e lexu edhe…
Funksioni është aktualisht i disponueshëm vetëm për një numër të kufizuar testues beta, por është e sigurt të supozohet se do të dalë më gjerësisht së shpejti.
- Advertisement -
Me këtë ndryshim në dukje të vogël, WhatsApp vjen një hap më afër Telegramit, i cili lejon grupe masive prej disa qindra mijëra njerëzve.
Sigurisht, grupe të tilla të mëdha janë pak të dobishme nëse nuk mund t’i menaxhoni siç duhet, por ka lajme të mira edhe në këtë pjesë.
- Advertisement -
WABetaInfo gjithashtu pretendon se WhatsApp është duke punuar në mjete të reja që duhet t’u japin administratorëve më shumë mënyra për të trajtuar grupe të mëdha.
Këto përfshijnë një sistem miratimi të anëtarësimit si dhe një listë të pjesëmarrësve të grupit në pritje, e cila lejon administratorët e grupit të shohin të gjithë njerëzit që kërkojnë t’i bashkohen grupit dhe t’i miratojnë të gjithë menjëherë.
Përgatiti:
