Sa herë që përmendet emri i saj, ajo merr vëmendjen e madhe kudo në botë. Angelina Jolie kësaj radhe ka befasuar me të vërtetë fansat, meqë do ta sfidojë veten duke luajtur në rolim e sopranes së njohur, Maria Callas. Filmi do të tregojë historinë e trazuar, të bukur dhe në të njëjtën kohë tragjike të jetës së sopranos së famshme.
Skenari është firmosur nga krijuesi i “Peaky Blinders” dhe “Spencer”, Steven Knight. Filmi do të fokusohet në ditët e fundit të Maria Callas në Paris në vitet 1970.
Jolie përmes një deklarate tha se e merr shumë seriozisht përgjegjësinë që ka për të paraqitur jetën dhe trashëgiminë e saj.
“Do të jap maksimumin për të përballuar sfidën. Pablo Laren është një regjisor që e kam admiruar prej kohësh. Të më jepet mundësia për të treguar më shumë historinë e Maria Callas me të, shkruar nga Stephen Knight, është një ëndërr e realizuar”, ka thënë Angelina Jolie.
Maria Callas është përshkruar nga Leonard Bernstein si “Bibla e operës”. Ajo shquhej jo vetëm për zërin e saj, por edhe për qëndrimin e veçantë, pasi të gjithë e quanin “diva”. Sigurisht që është përfolur shumë për lidhjen e saj me Aristotle Onassis, para se ai ta linte për Jackie Kennedy.
Përgatiti:
