Versioni beta i iOS 26 po sjell risi për Apple Maps, përfshirë një funksion të ri që u mundëson përdoruesve të kërkojnë destinacione me gjuhë të thjeshtë dhe natyrale.
Funksioni “Kërko ashtu siç flet” (Search The Way You Talk), i prezantuar më herët në aplikacione si App Store, Music, Photos dhe TV, tani po testohet edhe në hartat e Apple, përcjell TAR.
I bazuar në inteligjencën artificiale, ky opsion eliminon nevojën për fjalë kyçe ose filtra të ndërlikuar.
Mundesh me e lexu edhe…
Përdoruesit mund të kërkojnë një vend ashtu si do ta përshkruanin në një bisedë të zakonshme.
Për shembull, në vend të kërkimit “restorante të hapura vonë”, mund të thuhet: “më trego disa restorante italiane me vlerësime të larta, që kanë verandë dhe janë të hapura pas orës 22:00”.
Edhe pse Apple nuk e ka shpallur zyrtarisht funksionin për Apple Maps, ai duket se është bërë pjesë e përditësimit developer beta 5 të iOS 26.
Funksioni është tashmë i disponueshëm për disa përdorues të versionit beta, edhe pse kompania nuk e ka promovuar ende gjerësisht.
Ky nuk është ndoshta përditësimi më i madh për aplikacionin, por pritet të jetë një mjet i dobishëm për të gjetur vende interesante në mënyrë më të thjeshtë dhe intuitive. /Katror.info
Përgatiti:
