Ari Dedinca 11 vjeçar me prejardhje nga Kosova, që jeton në Londër gjithnjë e më shumë po afrohet me klubet e mëdha të Premier League angleze duke u bërë pjesë e akademive të tyre prestigjioze.
Së fundmi Arin e kemi parë të mbajë me krenari fanelën e klubit të madh anglez me histori 124 vjeçare Watford FC dhe duke nënshkruar kontratën me Akademinë e tyre U12, pasi e meritoi plotësisht duke kaluar kështu testet me sukses dhe provat 8 javore.
Siç merr vesh katror.info Ari ka pasur edhe shumë oferta nga klube të tjera të mëdha si Tottenham Hotspur, Fulham dhe QPR, por vet Ari vendosi që të nënshkruajë me akademinë e Watford FC, seniorët e të cilit klub këtë sezon garojnë në Championship.
Mundesh me e lexu edhe…
Para Watford Ari ka luajtur edhe me Crystal Palace.
Ja çfarë shkroi në Facebook klubi i parë i Arit, Kentish Town Football Academy, për kalimin e tij në Crystal Palace vitin e kaluar duke shfaqur besimin se shumë shpejt Ari do të jetë një super yll.
Urime për ish-lojtarin Ari Dedinca i cili nënshkroi për Crystal Palace Football Club javën e kaluar. Si kapiten i U9 ai udhëhoqi ekipin pa u mposhtur në sezonin e kaluar dhe ishte pjesë e ekipit fitues të kupës. Ai ishte gjithmonë i destinuar për të nënshkruar me një ekip profesional dhe jam i sigurt se do të shohim një super yll të vogël në të ardhmen.
Kentish Town Football AcademyPërkrahja e gjithë familjes bënë që Ari të shkoj rruges së suksesit që nuk është aspak e lehtë por për një talent si ai asgjë nuk është e pamundëshme.
Momentet më të mira të Ari Dedincës në Akademinë e Futollit Crystal Palace.
Ari Dedinca një super talent që të jep shpresë që në të ardhemn emri i tij do të jetë po aq i njohur sa i shqiptarëve të tjerë si Shaqiri, Xhaka e Broja 🙂 /katror.info
