Me rreth 67 mijë punonjës, kryeqyteti i Vjenës është një nga punëdhënësit më të mëdhenj në Austri.
Vjena tash është në kërkim të punonjësve të rinj dhe mundësitë e punësimit janë prezantuar të martën nën moton “Ne punojmë në Vjenë”. Qyteti u prezantua si një punëdhënës modern dhe i orientuar drejt së ardhmes në panairin e parë të madh të punësimit, shkruan Die Presse.
Arritjet e reja në fushën e mbrojtjes së klimës dhe teknologjisë, zhvillimi i popullsisë dhe dalja në pension hapin vendetë reja pune. Deri në vitin 2030, ka nevojë të veçantë për punëtorë në profesionet teknike, si dhe në fushën e mbrojtjes së klimës dhe burimeve të rinovueshme të energjisë, si dhe të punës sociale dhe arsimit.
Mundesh me e lexu edhe...
“Përshkrimet e vendeve të punës në administratën e qytetit të Vjenës janë po aq të ndryshme sa qyteti ynë – nga puna në natyrë në shumë fusha sociale, teknike dhe digjitale, ne ofrojmë vende pune klasike dhe inovative. Mundësitë për avancim janë të shkëlqyera, kushtet janë të jashtëzakonshme”, ka theksuar kryebashkiaku Michael Ludwig.
Gjithashtu Vjena kërkon edhe personel të përshtatshëm në fushën e shëndetësisë, pedagogjisë, IT, infrastrukturës dhe sigurisë, si dhe aktivitete të ndryshme shërbimi.
Ashtu sikurse shtetet e tjera të zhvilluara të Evropës, edhe Austria po kërkon punëtorë, veçanërisht në rajonin e Ballkanit, ku përfshihet edhe Kosova./Katror.info
Përgatiti:
