Artistja shqiptare me famë ndërkombëtare, Ava Max, ka zbuluar se është gati për të sjellë albumin e saj më të ri, të titulluar “Don’t Click Play”, që do të publikohet më 22 gusht 2025.
Këngëtarja, e njohur për hitet e saj energjike dhe pamjen ekstravagante, e bëri të ditur këtë lajm përmes një postimi në Instagram, ku ndau me ndjekësit edhe kopertinën zyrtare të albumit.
Në imazhin artistik dhe provokues, Ava shfaqet e veshur me bikini, duke qëndruar mbi një strukturë metalike në formë trekëndëshi – simbolikë që i ngjan butonit “Play”, e rrethuar nga flakë të ndezura që nënvizojnë intensitetin dhe pasionin që pritet të sjellë ky projekt i ri muzikor.
Mundesh me e lexu edhe…
Kjo qasje vizuale flet për një drejtim më të guximshëm, si në aspektin estetik ashtu edhe në atë muzikor, ndërsa fansat tashmë janë duke spekuluar për tingujt dhe temat që do të përfshihen në këtë album.
“Don’t Click Play” vjen pas dy projekteve të saj të mëparshme që patën sukses të gjerë: “Heaven & Hell” (2020) dhe “Diamonds & Dancefloors” (2023), që i sollën asaj një audiencë globale dhe e pozicionuan si një nga emrat më të spikatur në skenën pop ndërkombëtare.
Me këtë paralajmërim të zjarrtë, Ava Max duket se është gati të shtyjë më tej kufijtë e muzikës pop, duke sjellë një album që jo vetëm dëgjohet, por edhe shikohet dhe ndjehet me intensitet të plotë. /Katror.info
Përgatiti:
