Një vajzë 10-vjeçare nga Inverness është bërë një nga njerëzit më të rinj që ka ngjitur 282 malet që gjenden në të gjithë Skocinë, të cilët për vendasit njihen si ‘Munros’.
Quinn Young filloi sfidën me babanë e saj, Ian, kur ajo ishte vetëm katër vjeç. Ajo u ngjit në ‘Ben Nevis’ pak para se të mbushte pesë vjeç.
Ajo i tha BBC Scotland: “Ndihem krenare për veten time, por edhe pak e mërzitur sepse aventura me babin tim ka përfunduar”.
Quinn donte të përfundonte sfidën e saj ‘Munro bagging’ përpara se të mbaronte shkollën fillore.
“Është një punë e madhe sepse është diçka që e kam bërë me babin tim që kur isha katër vjeç. Ndonjëherë kur moti ishte i keq mendoja ‘pse jemi këtu lart?’ Nuk e dija nëse mund të ngrihesha në këmbë, por ia dola,” tha Quinn.
Kurse, babai i saj Ian tha se inkurajimi nga njerëzit e tjerë ishte absolutisht fantastik.
“Quinn arriti 100 Munros gushtin e kaluar dhe ajo donte të mbaronte para se të mbaronte shkollën fillore. Ajo i ka marrë të gjitha me hapa, nuk ka pasur asnjë ankesë kur kemi qenë jashtë, edhe në dimër,” tha ai.
Historia e ‘Munro’
‘Munros’ konsiderohen malet skoceze më të larta se 914m.
Fenomeni i njohur si ‘Munro bagging’ u frymëzua nga Sir Hugh Munro.
Munro, familja e të cilit ishin pronarë tokash skocezë, lindi në Londër në 1856 dhe u rrit në Lindertis afër Kirriemuir në Angus.
Ndërsa studionte në Gjermani, ai u ngjit në Alpe dhe vazhdoi interesin e tij për ngjitje kur u vendos në pasurinë e familjes në Skoci.
Sir Hugh ishte një themelues dhe president i Klubit të Alpinizmit Skocez, i cili i vuri atij detyrën të listonte të gjitha kodrat e vendit prej 914 metra e më shumë.
Sipas The Munro Society, ai ishte zgjedhja ideale për shkak të mbajtjes së tij të përpiktë të të dhënave, entuziazmit për punën në natyrë dhe magjepsjes me peizazhet malore.
Tabela e tij, e përbërë nga 283 male të veçanta, u botua në ditarin e klubit në shtator 1891.
Me kalimin e viteve, lista është rritur dhe zvogëluar pasi janë marrë matje të reja – totali aktual është 282./Katror.info
Përgatiti:
