Bajamet të mira kundër lodhjes e plakjes

Të mbushura me mirësi natyrore, vitamina dhe minerale, bajamet sjellin shumë përfitime shëndetësore dhe luajnë një rol të rëndësishëm në rutinën e përditshme të mirëqenies dhe bukurisë.

Të pasura me zink, riboflavin dhe niacin, ato përmbajnë të gjitha elementet që kontribuojnë në ruajtjen e lëkurës, si dhe thonjtë dhe flokët. Kjo është edhe një ndër arsyet pse ekzistojnë shumë maska, shampoo e krema të tjerë rigjenerues që kanë bajamet si përbërës kryesor.

Trajtimi i vetes me një meze të lehtë me bazë bajame është gjithashtu një zgjidhje e shijshme për të mbushur bateritë tuaja dhe për të zvogëluar lodhjen.

Bajamet, në fakt, janë një koncentrat i ushqyesve që e mbushin metabolizmin me energji. Një racion i vogël me 23 bajame (rreth 160 kalori) siguron 60% të dozës së rekomanduar ditore të vitaminës E, e cila ndihmon në mbrojtjen e qelizave nga stresi oksidativ, i shkaktuar nga faktorët mjedisorë si rrezet UV, ndotja, tymi i cigareve dhe faktorë të tjerë mjedisorë.