Bashkimi synon për herë të parë të sigurojë vendin në grupet e FIBA Europe Cup, pas fitores shumë të rëndësishme ndaj Anwil me rezultat 80:75.
Për të arritur këtë sukses historik, prizrenasit duhet të ruajnë epërsinë e pikëve nga ndeshja e parë, pasi në grup do të kualifikohet skuadra që performon më mirë në dy ndeshjet e kualifikimit.
Ky është debutimi i nënkampionëve të Kosovës në kualifikimet e FIBA Europe Cup. Nëse Bashkimi kalon pengesën në Poloni, do t’i bashkohet kampiones së Kosovës, Trepçës, si dhe skuadrave PAOK të Greqisë dhe Braunschweig të Gjermanisë në Grupin F.
Mundesh me e lexu edhe…
Anwil, një nga skuadrat më të forta polake në vitet e fundit, kishte fituar FIBA Europe Cup dy vjet më parë dhe ishte ndalur në raundin 1/16-të edicionin e kaluar.
Ndeshja e kthimit zhvillohet të mërkurën në Poloni nga ora 18:30 dhe do të transmetohet në kanalin zyrtar të FIBA në YouTube./Katror.info
