Këngëtarja shqiptare me famë ndërkombëtare, Bebe Rexha, ka hedhur në tregun muzikor hitin e saj më të ri “Chase It (Mmm Da Da Da)”.
Duke u njohur si një zë i fuqishëm në industrinë e muzikës, kjo këngë shënon një hap të rëndësishëm për Rexhën në botën e dance dhe electronic muzikës.
Kënga është rezultat i bashkëpunimit të Bebes me një ekip të prodhuesve të talentuar të zhanrit house të muzikës, të cilët janë të njohur për punën e tyre në skenë. Chris Lake, Sammy Virji, Punctual dhe Marco Straus kanë bashkuar forcat për të sjellë në veshët e dëgjuesve një melodi të gjallë me ritme që të ftojnë të rrëshqitësh në valën e muzikës.
Mundesh me e lexu edhe…
Klipi i kësaj kënge e shfaq 34-vjeçaren Bebe Rexha në një frymë të guximshme dhe provokuese, duke e paraqitur atë teksa kërcen me pasion nën ritmet e këngës së saj.
Koreografia përcjell energjinë elektrike të këngës, ku skenat “e nxehta” të klipit vizual janë të garantuara të bëhen një hit në rrjetet sociale dhe platforma të ndryshme muzikore.
“Chase It (Mmm Da Da Da)” tregon jo vetëm talentin artistik të Bebe Rexhës, por edhe shkathtësinë e saj për të qenë inovative dhe për të eksploruar territore të reja në karrierën e saj artistike.
Fansat dhe kritikët mezi presin të shohin ecurinë e kësaj kënge në klasifikimet muzikore dhe se si do të pritet nga audiencat globale./Katror.info
Përgatiti:
