Princi Harry i la lojtarët të habitur pasi bëri një paraqitje surprizë në ceremoninë e NFL Honors në Las Vegas të enjten.
Për habinë e shumë njerëzve, Duka i Sussex-it u fut në skenë për të shpallur fituesin e çmimit Njeriu i Vitit në NFL [NFL’s Man of the Year award].
Përpara se të shpallte fituesin, Harry gjeti kohë për të bërë disa shaka për dallimet midis sporteve amerikane dhe britanike.
Mundesh me e lexu edhe...
“Më pëlqen shumë se si na vodhët ragbin dhe e bëtë tuajin”, tha ai duke buzëqeshur. “Në vend që ta kaloni prapa, thjesht kaloni përpara. Pse të mos vishni jastëkë dhe helmetë? Sigurisht, keni një sulm dhe mbrojtje – kjo ka kuptim”, vazhdoi ai.
“Dhe e dini çfarë? Në vend të një sezoni 10-mujor, le ta bëjmë atë vetëm 18 javë. Gjeniale!”, përfundoi kështu shakanë princi Harry.
Megjithatë, ai ishte i prirur të theksonte rëndësinë e çmimit që po shpërndante.
“Përveç shakave, ajo që bëni ju djema në fushë dhe jashtë saj është vërtet e jashtëzakonshme. Ju jeni model për miliona njerëz”, u shpreh ai, raporton CNN.
Fituesi eventual i çmimit “Njeriu i Vitit” ishte Cameron Heyward nga ekipi “Pittsburgh Steelers”, dhe 34-vjeçari nuk mund ta besonte plotësisht se me kë po ndante skenën.
“Jam i shokuar. Ky është Princi Harry!”, tha ai i entuziasmuar.
Çmimi Njeriu i Vitit shkon për lojtarin e NFL që shkëlqen në fushë dhe gjithashtu demonstron një pasion për të krijuar një ndikim pozitiv të qëndrueshëm përtej lojës në komunitet. Çmimi u krijua në vitin 1970./Katror.info
Përgatiti:
